Zekaraya 13:2 - Holy Bible Nigerian Pidgin English

² For dat day, I go remove all di juju name from di land and nobody go remember dem again. I go kill anybody wey klaim sey en na profet, den pipol mind nor go dey to go woship or serve juju again.

Zekaraya 13:2 ပူးပေါင်းရင်းမြစ်များ

1 Kings 22:22

“God ask am, ‘How yu wont take deceive am?’ “Di spirit ansa, ‘I go make all di profets lie for Ahab.’ “So God tell am, ‘Make yu go deceive am, bikos e go hear yu.’ ”

Psalms 16:4

Pipol wey dey run follow oda gods, dia trobol dey plenty evriday. I nor go follow dem do dia blood sakrifice or even koll dia god name.

Exodus 22:13

If na wiked animal kill-am, di man go bring di meat pieces wey skata for groun to show and klear ensef and e nor go pay anytin.

Exodus 23:13

“Make una do evritin wey I tell una and una nor go pray or swear to any oda god. Make I nor ever hear dia name for una mout.

Isaya 2:18

E go distroy all di juju dem finish.

Isaya 2:20

Wen dat day go rish, pipol go karry di gold and silva juju wey dem make for demsef kon trow and abandon dem give rats and bats.

Jeremaya 29:23

Dis na wetin go happen to dem, bikos dem sin: dem sleep with dia neighbour wife kon lie with God name. God nor like all dis tins. E know wetin dem don do and wetin dem do dey stand against dem.” Dis na wetin God tok.

Ezekiel 12:24

Bikos dat time, di yeye vishon or words wey Israel pipol dey tok, nor go dey again.

Ezekiel 13:23

So una lie-lie vishon, don end. I go save my pipol from una pawa, so dat una go know sey na mi bi God.”

Ezekiel 14:9

“If any profet give una wrong massage, make una know sey na mi wey bi God do am like dat. But I go still rijet and remove am from among my pipol for Israel.

Ezekiel 30:13

God wey get pawa sey, “I go distroy and skata di juju wey dey Memfis. Nobody go ever rule Egypt again and I go make all di pipol fear.

Ezekiel 36:25

I go pour klean and good wota for una body, so dat una go dey klean from di juju wey una dey woship before and evritin wey make una dirty.

Ezekiel 36:29

I go save una from evritin wey make una dey spoil before. I go kommand food make e plenty, so dat una nor go hongry again.

Ezekiel 37:23

Dem nor go spoil dia body with juju or anytin wey go make dem dirty or sin again. God go free dem from evritin wey dey make dem sin. E go klean dem; dem go bi en pipol and E go bi dia God.’

Ezekiel 43:7

“Man pikin, na my throne bi dis. I go stay here with Israel pipol kon rule dem forever. Di pipol for Israel or dia kings nor go disgrace my name wey dey holy again or woship anoda god or dia king wey don die.

Ezekiel 6:6

I go distroy all di towns for Israel kon skata dia juju and en altars, den evritin wey dem make, go disappear.

Hosea 14:8

Efraim pipol nor go get anytin to do with juju again. I go ansa dia prayers kon kare for dem. I go give dem house like betta green fig tree and na mi go bless dem.”

Hosea 2:17

I go remove Baal name from yor mout and yu nor go ever take about am again.

Hosea 2:19

Israel, I go make yu my wife; I go love and dey faithful to yu; I go always sorry for yu and yu go bi my own forever.

Mikah 2:11

If lie-lie profet kon tell una sey, “Make una dey drink wine and plenty strong drink!” Una go happy, bikos dat na di kind profet wey una dey like!

Zefanaya 2:11

God go make dem fear as E dey distroy all di gods for di land.

Matiu 12:43

“Wen evil spirit don komot from pesin body, e dey pass where wota nor dey, dey find where e go rest, but if e nor si,

Matiu 7:15

“Make yu shine yor eye, bikos lie-lie profets go kom like sheep, but for inside dia heart, dem bi wiked animal wey dey kill.

Luke 11:20

But if na God pawa I take dey drive demon komot, den God Kingdom don rish where una dey.

Deutronomi 12:3

Make una break di altars and skata di pilas. Make una burn di Asherah juju poles kon kut dia juju. Make una make sure sey una distroy all dia gods!

Deutronomi 18:20

But any profet wey tok wetin I nor send am or tok about any oda god, go die.

Joshua 23:7

or kon make friend with di remainin nashons. Una must nor use dia god name take make mout or tok about am! Una must nor woship or bow to dem!

Revelashon 18:2

E shaut with loud vois sey: “E don fall! E don fall! Babilon wey big well-well don fall! E don bikom di place where demons, evil spirits, bird and animal wey pipol hate, dey stay.

Revelashon 19:20

So dem seize di beast and di fake profets wey dey help am do mirakles to deceive pipol wey kollect di beast mark and woship en image. Den dem trow dem two inside di fire wey sulfur dey and di fire burn dem alive.