Zekaraya 12:6 - Holy Bible Nigerian Pidgin English

⁶ For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Zekaraya 12:6 ပူးပေါင်းရင်းမြစ်များ

Isaya 54:3

Una go spread go rite and left; una shidren-shidren go kover evriwhere kon stay for town wey dem don forget before.

Isaya 9:20

Dem attack dia neighbour from rite, but dem still dey hongry. Dem chop dia neighbour from left, but dem nor beleful. Dem even dey chop dia own shidren join.

Jeremaya 30:18

God sey, “I go bring my pipol kom back to dia land kon sorry for dem. Dem go build Jerusalem again and di king palis go dey as e bi before.

Obadaya 1:18

Jakob shidren-shidren go bi fire; Josef shidren-shidren go bi big smoke and Esau pipol go bi like leaf wey fall for groun, dem go burn dem rish groun, bikos God don tok!

Mikah 4:13

God sey, “Jerusalem! Make yu raiz-up kon skata di nashons, bikos I go give yu iron and bronze horn, so dat yu go fit distroy many nashons! Yu go give di propaty and di money wey dem tif to Oga God wey dey rule di eart.”

Zekaraya 1:16

“ ‘So I don kom back to Jerusalem town kon show dem mesi. Dem go build my temple and di town again.’ ”

Zekaraya 11:1

Lebanon, make yu open yor gate, so dat fire go burn yor cedar tree rish groun!

Zekaraya 12:5

Den Judah leaders go tell demsef, ‘Jerusalem pipol dey strong well-well bikos na di Oga wey get pawa bi dia God.’

Zekaraya 2:12

Judah go bi God special propaty for en holy land again, den Jerusalem go bi di town wey God choose.

Zekaraya 2:4

Di first angel kon tell di sekond one, “Make yu run go tell di man wey whole di ruler sey, ‘Very soon, pipol and animals go plenty for Jerusalem, sotey di town nor go fit kontain dem again.’

Zekaraya 9:15

Oga God wey get pawa go protet en pipol and dem go distroy dia enemies. Dem go dey shaut for war like who drink dey katch and dem go kill dia enemies finish. Dia enemies blood go plenty well-well like sakrifice blood wey dem pour put for di altar.

2 Korintians 6:7

thru di word wey wi dey tish with God pawa; with wetin wi take dey defend awa raitiousness both for awa rite and left hand;

Revelashon 20:9

Dem go waka round di world and where God pipol dey stay and di town wey evribody love, fire go kom down from heaven kon burn am finish.