Zekaraya 12:4 - Holy Bible Nigerian Pidgin English

⁴ Oga God sey, “For dat time, I go make all di horse dey fear and di pipol wey dey ride dem nor go know wetin dem dey do. I go guide Judah pipol kon blind dia enemies horse eye.

Zekaraya 12:4 ပူးပေါင်းရင်းမြစ်များ

1 Kings 8:29

Make Yu look dis temple both for day and for nite; di place where Yu choose sey make dem for dey woship Yu.

2 Kings 6:14

So e send strong sojas and horse make dem go katch Elisha kom. Dem rish der for nite kon surround di town.

2 Kings 6:18

As Siria sojas dey kom, Elisha kon pray, “Oga God, make yu blind all dis pipol eye.” So God make dem blind, just as Elisha ask.

2 Kronikles 6:20

Make Yu wosh ova dis temple both for nite and day, bikos Yu promise sey Yu go stay here. Make Yu ansa di prayer wey yor savant dey pray for dis place.

2 Kronikles 6:40

My God, make Yu dey listin and ansa all di prayers wey dem go pray to Yu from dis place.

2 Kronikles 7:15

I go listin and ansa dia prayers wey dem go pray for dis place.

Nehemaya 1:6

My Oga God, make Yu look mi kon hear my prayers for yor savants, Israel pipol, both for day and nite. I konfess sey wi, Israel pipol don sin. Wi and awa grand-grand papa dem don sin.

Isaya 24:21

For dat time, God go ponish di wiked spirits wey dey di sky with doz wey dey rule as kings for dis world.

Isaya 37:17

Naw, my Oga God, make Yu hear and si wetin dey happen to us. Make Yu listin to all di tins wey King Sennakerib dey use take curse Yu wey bi God.

Jeremaya 24:6

I go kare for dem kon bring dem kom back to dis land. I go karry dem up and nor-tin go fit bring dem down. I go plant dem and nor-tin go fit rut dem.

Ezekiel 38:4

I go turn am round; hook en jaw kon drag en and en plenty sojas.

Ezekiel 39:20

For my tabol, dem go chop all wetin dem fit chop from shariot and from all di sojas body. Mi, wey bi God wey get pawa, don tok.”

Daniel 9:18

Abeg, God make Yu sorry for Jerusalem town wey Yu choose, nor bi bikos wi deserve am, but bikos of yor great love wey nor dey fail.

Zekaraya 10:5

Judah pipol go win and mash dia enemies for portor-portor. Wen dem go fight, dem go win dia enemies, bikos mi God dey with dem.

Zekaraya 12:11

For dat time, di kry for Jerusalem go heavy pass Hadad-Rimmon wey dey near Megiddo own.

Zekaraya 12:3

But wen dat time rish, I go make Jerusalem bi like rock wey nobody fit move and all di nashons go gada togeda kon try to move am, but dem go just dey wound diasef.”

Zekaraya 12:5

Den Judah leaders go tell demsef, ‘Jerusalem pipol dey strong well-well bikos na di Oga wey get pawa bi dia God.’

Zekaraya 12:6

For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Zekaraya 14:15

Wiked diziz go katch all di horse, melu, kamel, donkey and di oda animals wey dey di enemies kamp.

Zekaraya 9:8

Den I go surround and guide my temple both for back and front. I nor go allow wiked rulers opress my pipol again, bikos naw, I don si how my pipol sofa rish.”

Acts 17:30

God don forgive us for di time wen wi nor know wetin wi dey do, but naw, E dey kommand pipol for evriwhere sey make dem turn from sin kom meet am,

Deutronomi 28:28

God go ponish una with madness, una eyes go blind and E go konfuse una mind.