Zekaraya 11:6 - Holy Bible Nigerian Pidgin English

⁶ So God sey, “I nor go sorry for anybody for dis land again. Na mi mysef go put all di pipol under dia ruler pawa. Di ruler go distroy di eart and I nor go save pipol from en pawa.”

Zekaraya 11:6 ပူးပေါင်းရင်းမြစ်များ

Psalms 50:22

All of una wey don forget mi, make una turn from sin kom meet mi or I go kill una finish and nobody go kom help una.

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Isaya 3:5

Dem go dey fight each oda; Men go oppoz each oda and neighbours go fight against dia neighbour. Yong pipol nor go respet dia senior and foolish pipol go dey curse doz wey dem bin dey respet.”

Jeremaya 13:14

E go skata dem like pot wey fall press each oda kon break. Na so too shidren go bi to dia papa and mama. I nor go pity or sorry for dem. I must distroy dem and nor-tin go fit stop mi.”

Lamentashons 2:21

Si yong and old pipol don die for di street. Enemies don kill both boys and girls. Yu don kill dem, bikos Yu dey vex and Yu nor sorry for dem wen Yu dey kut dem.

Lamentashons 5:8

Doz wey bi awa slave before, don turn awa oga naw and nobody dey to save us from dia pawa.

Ezekiel 8:18

So, dem go feel my strong vexnashon. I nor go sorry or pity for dem. Dem go shaut well-well as dem dey pray give mi, but I nor go ansa or listin to dem.”

Ezekiel 9:10

But I nor go sorry for dem. Na wetin dem do oda pipol, na di same tin I go do dem.”

Hosea 1:6

Gomer, Hosea wife kon born anoda pikin, but dis time, na girl. Den God tell Hosea, “Yu go koll dis one, ‘Lo-Ruhamah wey mean: No-pity,’ bikos I nor go show Israel pipol love or forgive dem again.

Hosea 2:10

I go naked am for en lovers front and nobody go fit save am from my pawa.

Mikah 5:8

Doz wey remain for Israel go skata go oda nashons and dem go bi like lion among animals for bush; like yong lion wey dey mash and kill oda animals without who go save dem.

Mikah 6:14

Even wen una chop, e nor go ever beleful una and una go still dey hongry like sey una neva chop at-all. Even doh una dey try to save money, e nor go mean anytin for di end. Una go save small, but I go gi-am to doz wey go distroy una.

Haggai 2:22

kon ova-trow and take kingdoms pawa from dem. I go distroy shariot and di pipol wey dey drive dem; di horse go die and di pipol wey dey drive dem, go kill each oda.

Zekaraya 11:14

I break di sekond stik wey bi “Unity” and di unity wey dey among Judah and Israel pipol kon skata.

Zekaraya 11:5

Wen who get sheep kill en sheep, anybody go ponish am? E go sell di meat finish kon sey, ‘Make wi praiz God wey don give us plenty money!’ So who even get sheep, nor dey sorry for dem.”

Zekaraya 11:9

Den I tell di sheep sey, “I nor go bi una shepad again. So doz wey won die, make dem die and doz wey dem go distroy, make dem distroy dem. Doz wey remain, go distroy each oda.”

Zekaraya 14:13

For dat day, God go konfuse dem well-well and fear go katch dem, sotey dem go bigin seize and attack demsef.

Zekaraya 8:10

Before dat time, nobody get money to hire men or animals and nobody dey save from en enemies, bikos na mi God turn pipol against each oda.”

Malakai 4:6

Wetin e go prish, go make papa setol with dia shidren and shidren go setol with dia papa. If not, I go kom skata and distroy di land.”

Matiu 10:21

“Broda go sell en own broda give pipol make dem kill-am and na so papa go sell en own pikin too. Shidren go fight and kill dia papa and mama.

Matiu 22:7

Di king vex well-well kon send en sojas make dem go kill di pipol wey kill en savants and make dem burn evritin for dia town.

Matiu 24:10

Many pipol nor go gri follow mi again and dem go dey lie and hate each oda.

John 19:15

Den, dem kon bigin dey shaut, “Kill-am trowey! Kill-am trowey! Make yu kill-am!” Pilate kon ask dem, “Una wont make I nail una king for cross?” Di High Priest dem kon sey, “Di only king wey wi get na Caesar.”

1 Tesalonians 2:16

Dem even try to stop us, so dat wi nor go prish di message wey go give salvashon to Gentile pipol. As dem dey do so, dia sins dey plenty more-more. But naw, God vexnashon with ponishment dey kom meet dem.

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

James 2:13

Judgement nor get mesi for anybody wey nor dey mesi for odas, bikos mesi betta pass judgement.