Zekaraya 10:7 - Holy Bible Nigerian Pidgin English

⁷ Israel pipol go bi like strong sojas and dem go happy like pipol wey drink wine. Dia shidren go remember as dem take win kon happy, bikos of wetin God don do.

Zekaraya 10:7 ပူးပေါင်းရင်းမြစ်များ

Jenesis 18:19

I don choose am, so dat e go kommand en son and shidren-shidren sey make dem obey mi kon do wetin dey good and korrect. If dem obey mi, I go do evritin wey I promise am.”

Jenesis 43:34

E give dem part for di food wey dem gi-am, but di one wey e give Benjamin, big pass dia own five times. Dem chop and drink with Josef until drink kon katch dem.

Psalms 102:28

Yor savant shidren-shidren go always dey save. Dia shidren-shidren go always dey save for yor present.”

Psalms 104:15

wine wey go make us happy; olive oil wey go make awa skin good and bread wey go give us strent.

Psalms 13:5

But I trust yor love wey nor dey fail. I go happy, bikos Yu don save mi.

Psalms 28:7

Na God bi my strent, my guide and I trust am with all my heart. My heart dey happy well-well, bikos God help mi. So, I go always dey sing dey tank am.

Psalms 33:21

Awa heart dey always happy, bikos of am and wi trust en name wey dey holy.

Psalms 90:16

Make Yu let wi yor savants si yor works again kon allow awa shidren si yor glory.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 38:19

Na pipol wey dey life fit praiz Yu, just as I dey praiz Yu naw. Papa dem dey tell dia shidren how Yu dey faithful rish.

Isaya 54:13

Na only mi go tish una pipol and I go give dem peace kon make dem prosper.

Isaya 66:14

Wen una si sey dis tins dey happen, una heart go happy and una go prosper like grass. Den una go know sey, ‘Mi wey bi God dey help pipol wey obey mi, but I dey vex for my enemies.’ ”

Jeremaya 32:39

Di only tin wey I go let dem do for dis life: na to always dey honor mi, bikos na for dem and dia shidren-shidren good.

Ezekiel 37:25

Dem go stay for di land wey I give Jakob wey bi my savant; di land where dia grand-grand papa dey before. Dem with dia shidren and grand-shidren go stay der forever. Na from my savant David house, dia king go always kom from.

Joel 2:23

Zion pipol, make una happy, bikos of wetin Oga God do for una. Bikos E don give una rain. E send both di early and late rain kom meet una, just as E dey do before.

Habakkuk 3:18

I go still dey happy and sing for joy, bikos na Oga God dey guide mi.

Zefanaya 3:14

Una wey dey Zion, make una shaut! Israel pipol, make una shaut too! Jerusalem pipol, make una dey happy and boast with all una heart!

Zekaraya 12:8

For dat time, God go protet doz wey dey stay Jerusalem and even doz wey weak pass among dem, go dey strong, just as David, dia grand-grand papa bi. David shidren-shidren go lead dem like God angel and dem go bi like God.

Zekaraya 9:15

Oga God wey get pawa go protet en pipol and dem go distroy dia enemies. Dem go dey shaut for war like who drink dey katch and dem go kill dia enemies finish. Dia enemies blood go plenty well-well like sakrifice blood wey dem pour put for di altar.

Zekaraya 9:17

Dem go dey good and fine well-well! Di korn and wine wey di yong pipol go dey chop and drink, go make dem grow and dey strong.

Luke 1:47

and my spirit dey happy bikos God, my Savior,

John 16:22

Na so e bi for una naw, bikos una heart dey heavy, but I go si una again and for dat time, una go dey happy and nobody go fit take di happiness from una.

Acts 13:33

E don do wetin E promise us and dia shidren, wen E raiz Jesus Christ, as dem rite am for Psalms sey, ‘Yu bi my Pikin and today, I don bi yor Papa.’

Acts 2:26

Bikos of dis, belle sweet mi and my mout kon dey tok betta-betta tins and I kon get hope sey tins go really good for mi,

Acts 2:39

Bikos dis promise na for una, all una pikin, pipol wey dey far place and all di pipol wey God go draw near ensef.”

Filippians 4:4

Make una always dey happy inside Christ. I dey tok again sey, make una dey happy!

1 Pita 1:8

Aldo una neva si am, but una love am. Una nor dey si am naw, but una bilive am, una get happiness and glory wey una nor go fit esplain.

1 Samuel 2:1

Hannah kon pray dey sey, “My heart dey happy bikos of God; I dey blow my trumpet loud for God. I dey shaut and happy, bikos God don disgrace and save mi from my enemies.