Zekaraya 10:11 - Holy Bible Nigerian Pidgin English

¹¹ Dem go cross rof river and I go stop di wave and Nile River go dry finish. Assyria wey bin dey karry body up, go honbol demsef and Egypt wey dey strong, nor go get pawa again.

Zekaraya 10:11 ပူးပေါင်းရင်းမြစ်များ

Jenesis 8:1

But God remember Noah and all di animals wey dey inside di boat. So E make one breeze blow for di eart, den di wota kon dey dry small-small.

2 Kings 2:14

Den e take di garment wey Elijah drop for am take nak di wota kon sey, “Where di Oga wey bi Elijah God?” Den e nak di wota again and di wota divide into two. So Elisha kon waka pass go di oda side.

2 Kings 2:8

Elijah use en garment nak di wota and di wota divide into two. Den, two of dem waka pass for dry groun.

Ezra 6:22

Dem happy well-well as dem dey celebrate di Bread wey nor get Yist Feast, for seven days. Belle sweet dem well-well, bikos God shange Assyria king karata and e kon support dem as dem dey ribuild Israel God Temple.

Psalms 114:3

Di Red Sea si dem dey kom, kon run and Jordan River turn en face.

Psalms 114:5

Red sea! Na wetin make yu dey run? Jordan River na wetin make yu turn yor face?

Isaya 14:25

I go distroy Assyria pipol for my land. I go skata dem put under my hill. I go free my pipol and remove di load wey Assyria pipol put for dia shoulder.

Isaya 19:16

For dat time, Egypt pipol go bi like wimen. Dem go shake dey fear bikos Oga God wey dey lead heaven sojas don dey ready to ponish dem.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 44:27

Na mi kommand di sea make e dry and e dry own.

Isaya 51:10

Na Yu dry di sea kon make road for inside wota, so dat di pipol wey Yu won save, go fit waka pass for dry groun.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Ezekiel 30:13

God wey get pawa sey, “I go distroy and skata di juju wey dey Memfis. Nobody go ever rule Egypt again and I go make all di pipol fear.

Zefanaya 2:13

I go skata di land for nort with my hand kon distroy Assyria land too. I go turn Nineveh, di main town to where dem dey trowey dirty put and e go bi desert.

Revelashon 16:12

Den di sixt angel pour wetin dey en basin put for River Eufrates. Di river dry and road kon dey for di kings wey dey kom from east.