Zekaraya 10:1 - Holy Bible Nigerian Pidgin English

¹ Make una ask God for rain wen rainin sizin rish, bikos na God dey give rain wey dey make evritin wey pipol plant, grow.

Zekaraya 10:1 ပူးပေါင်းရင်းမြစ်များ

1 Kings 17:1

E get one profet, en name na Elijah and e kom from Tishbe for Gilead. E go tell King Ahab, “As long as di Oga wey bi Israel God (wey I dey serve) dey alive, dew or rain nor go fall for some years, unless I kommand sey, make rain fall.”

Job 29:23

Evribody dey welkom mi, just as farmer dey welkom rain wey won fall.

Psalms 104:13

From God house for heaven, E dey send rain kom wota di mountins, so dat di seed for di eart go grow.

Psalms 135:7

E dey make kloud raiz kom from where di eart for end. Na en dey bring tonda kom wons rain dey fall and bring breeze kom out from where dem dey.

Psalms 65:9

Yu visit di eart kon make rain fall put, so dat e go dey good kon produce plenty food. Yu make wota full di sea and di land dey bring betta food, bikos Yu don kommand sey na so e go bi.

Psalms 72:6

Wen di king dey rule, e go bi like wen rain fall on-top grass wey dem kut; e go bi like rain wey dey wota di groun.

Proverbs 16:15

Wen di king favor pesin, e dey give life; e bi like kloud wey dey bring rain for en sizin.

Isaya 30:23

God go pour wota put for di seed wey una plant and di groun go produce plenty food for una. For dat time, una animals go chop betta green grass for field.

Isaya 44:3

I go give una wota for dry land kon make wota flow pass where wota nor dey. I go put my Spirit for una shidren body kon bless una shidren-shidren.

Isaya 5:6

I go let grass grow for evriwhere and I nor go trim di vine or use hoe dig di groun again, instead, I go let dirty kover am and rain nor go ever fall put again.”

Jeremaya 10:13

Wen E kommand, en vois dey sound like tonda and di wota for heaven go make nois like lion vois. E dey make kloud kom out from where di eart for end. E dey bring tonda lite wen rain dey fall and E dey make breeze blow kom from where E keep dem put.

Jeremaya 14:22

Just as no one among di juju for dis nashon fit bring rain, na so too di sky nor fit make rain fall by ensef. So wi don put awa hope for yor hand. Na Yu bi awa God, bikos na only Yu fit do all dis tins.”

Jeremaya 5:24

Dem neva even tell diasef wons sey, ‘Make wi try fear di Oga wey bi awa God. Bikos na-im dey send rain kom for harvest time.’

Jeremaya 51:16

Wen E kommand, di wota on-top sky dey make nois like wen lion dey shaut. E make di kloud kom out from di rite place. E make lite kom out for rainin sizin kon send breeze kom from where E keep dem put.

Ezekiel 34:26

I go bless dem kon let dem stay near my holy hill and for der, I go bless dem with betta rain anytime wey dem wont am.

Ezekiel 36:37

God wey get pawa sey, “I go allow Israel pipol ask mi for help and dem go plenty like sheep again.

Hosea 10:12

I sey, ‘Make una plant raitiousness for unasef, den una go harvest love wey nor dey end. Make una klear new groun for unasef, bikos dis na di time to turn kom meet mi, so dat I go save una.’

Hosea 6:3

So make wi serve God. As far day dey break and rain dey fall for di eart, E go kom save us.

Amos 4:7

Na mi stop di rain to fall for una land three monts before una go harvest wetin una plant. Sometaims, I dey let rain fall for one town or field and di oda town go dry well-well bikos I nor allow rain fall for der.

Mikah 5:7

Den Israel pipol wey survive go bi like dew for morning wey God send kom di nashons; like rain wey go make plant grow and e nor dey wait for man before e fall.

John 16:23

By dat time, una nor go ask mi anytin again. I tell una true word sey, anytin wey una ask my Papa with my name, E go give una.

1 Korintians 3:6

I dey plant di seed and Apollos dey wota dem, but na God dey make di seed grow.

Deutronomi 28:23

Di sky on-top una head go strong like bronze and di eart under una leg go strong like iron.

James 5:7

My brodas and sistas, make una get patient till Christ go kom back. Tink how farmer dey wait for wetin e plant until e grow kon bring food wey dear and e dey wait with patient for am, until di first and di last rain go fall put.