Zefanaya 3:8 - Holy Bible Nigerian Pidgin English

⁸ So God sey, “Una must get patient as una dey wait for mi. For di day wen I go attack kon karry all una propaty, I don decide sey, I go gada nashons and kingdoms togeda kon pour my vexnashon on dem. Bikos my vexnashon go full di whole world.

Zefanaya 3:8 ပူးပေါင်းရင်းမြစ်များ

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 123:2

Just as savants dey depend on dia masta and as savant girls dey depend on dia madam, na so wi too dey depend on di Oga awa God, until E go favor us.

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 37:34

So make yu put yor hope for Oga God. Make yu dey always waka for en ways and E go honor yu wen E give yu dis land, den yu go si as E dey distroy wiked pipol.

Psalms 37:7

So, make yu wait for God with patient! Make yu get mind as yu dey wait am! Make yu nor worry about wiked pipol wey dey prosper or fear, bikos of wetin dem get.

Psalms 62:1

I dey kwayet dey wait, bikos na God dey diliver mi.

Psalms 62:5

But my soul and body dey kwayet dey wait for God, bikos na-im dey make my heart strong.

Psalms 79:5

My God, na how long Yu go dey vex with us? Na forever? Na how long yor vexnashon go dey burn like fire?

Psalms 79:6

Make Yu pour yor vexnashon for di nashons wey nor dey respet Yu; di kingdoms wey nor dey koll yor name,

Proverbs 20:22

Nor do bad to pesin wey do yu bad, but make yu trust God and E go save yu.

Song of Songs 8:6

Make only mi dey yor heart and make I bi like betta ring for yor hand, bikos love strong like deat and feelins for pesin, bi like grave wey nor dey full. E bi like heavy fire and e dey katch well-well.

Isaya 14:26

Dis na wetin I plan for di whole eart; my hand dey ready to ponish di nashons.”

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 34:2

God dey vex for all di nashons and dia sojas. E go kill and distroy dem.

Isaya 63:6

I mash di nashons as I dey vex kon skata dem. Den I pour dia blood for groun.”

Jeremaya 10:25

Make Yu vex well-well for di nashons wey nor gri woship Yu and doz wey rijet Yu, bikos dem don kill and distroy yor pipol finish kon turn awa land to desert.”

Hosea 12:6

So, make una turn kom meet una God. Make una show love; dey judge well and dey patient as una dey wait for God.

Joel 3:2

I go gada and judge di pipol for Jehoshafat Valley, bikos of wetin dem do my pipol. Dem skata Israel pipol for evriwhere kon divide dia land.

Mikah 7:7

But as for mi, I bilive sey God go kom help mi. I dey wait for God with all my heart, so dat E go save mi. Yes! My God go hear mi.

Habakkuk 2:3

Make yu rite am even doh e neva rish time for di vishon to happen. But di time go soon rish and wetin I show yu, go happen. E fit bi like sey e nor go happen, but make yu wait; e go must happen and e nor go tey again.

Zefanaya 1:18

Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Haggai 2:22

kon ova-trow and take kingdoms pawa from dem. I go distroy shariot and di pipol wey dey drive dem; di horse go die and di pipol wey dey drive dem, go kill each oda.

Matiu 25:32

Evribody for di world go gada for en front and e go separate pipol as shepad dey separate sheep from goat.

2 Pita 3:10

Di day wen God go kom, go bi like wen tif dey kom for nite. Wen E kom, di heaven go disappear with loud nois and di stars for up go melt, di whole eart and evritin wey dey inside, go vanish.

Revelashon 16:1

Den I hear one loud vois dey tok to di angels from di temple sey: “Di seven basins wey God vexnashon dey, make una go pour dem for di eart.”

Revelashon 16:14

Na dem bi demon spirit wey dey do mirakle. Na dem dey go gada all di kings wey dey for di world, so dat dem go fight di fight wey go happen for di day wey God Almighty go judge di world.