Zefanaya 3:5 - Holy Bible Nigerian Pidgin English

⁵ But God still dey di town and E nor dey do bad at-all. E dey always judge matter well and E nor dey fail. Yet wiked pipol nor dey shame at-all.

Zefanaya 3:5 ပူးပေါင်းရင်းမြစ်များ

Jenesis 18:25

I know sey Yu nor go do dat kind tin. Yu nor go kill pipol wey dey good with di bad ones.”

Job 34:10

“Men wey dey undastand, make una listin to mi! God Almighty go fit do wetin dey wrong?

Job 7:18

Yu dey visit am for morning and evritime, Yu won try or test am.

Job 8:3

Abi God nor dey like justice? Abi God nor dey do wetin dey rite?

Psalms 145:17

God dey rite for evritin wey E dey do; na goodness full en body.

Psalms 37:6

E go show sey yu dey innocent kon defend yu for publik.

Psalms 92:15

Dem go sey, “God dey judge well! Na-im bi awa Rock and E nor dey do bad tin!”

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 28:19

Wen God dey Judge una, E go karry una go. E go judge di town both for day and nite. Na fear and pain dis message go give una wen una don undastand am.

Isaya 33:2

So my God, make Yu sorry for us, bikos na Yu wi put awa hope on. Make Yu dey protet us evriday kon save us from trobol.

Isaya 45:21

So make una kom tok una kase; make una judge for unasef! Who don fit tok sometin and e happen? Nor bi mi bi God wey dey save pipol? No oda god dey apart from mi wey bi God and wey dey save una.

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Jeremaya 21:12

“Make una listin to wetin mi wey bi God dey tok. Make una make sure sey dem dey always give korrect judgement for kourt. Make una protet pesin wey dem dey opress from who dey opress am and bikos of di bad tins wey una dey do, my vexnashon go burn una like fire wey nor dey kwensh.

Jeremaya 3:3

Bikos of dis, God nor allow rain fall, even for di rite time. With all dis tins, una still dey live una ashawo life and shame nor dey katch una.

Jeremaya 6:15

Shame dey katch dem bikos of di wiked tins wey dem do? No! Dem nor dey shame at-all. Dem nor even sabi form sef! So, dem go die just as odas die. Dem go die finish, afta I don ponish dem.” Mi, wey bi God, don tok.

Jeremaya 8:12

Dem dey shame sey dem do dis kind wiked tins? ‘No!’ Dem nor dey shame at-all; dem nor even sabi form sef! Bikos of dis, just as pipol wey don die, na so too dem go die finish afta I don ponish dem.” Mi, wey bi God, don tok.

Lamentashons 3:23

Wi dey always trust Yu bikos na evriday Yu dey show us yor goodness.

Ezekiel 18:25

“Den una sey, ‘God dey play wayo.’ Naw, Israel pipol, make una ansa mi, ‘I dey play wayo?’

Ezekiel 48:35

Di total lengt for di wall for di four side for di town go bi six mile. So, from dat day go, dem go dey koll di town: ‘God Dey Der.’ ”

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

Hosea 6:5

Na dis make mi send my profet kom give una di judgement and distroshon message. Just as day dey break for morning, na so too, my judgement go kom meet una.

Mikah 3:11

Una leaders nor dey judge well, bikos dem don take bribe and una priest dem dey do dia work, bikos of money. Una profets nor dey profesai unless dem first pay dem. Yet all of una sey una trust God. Una sey, “Nor-tin go happen to us, bikos God dey with us.”

Mikah 7:9

I go dey patient as God dey ponish mi, bikos I don sin against am. But afta E don ponish mi, E go fight for mi kon make mi win. God go take mi enter di lite and I go si en raitiousness.

Habakkuk 1:3

Why Yu allow mi dey face dis kind trobol? Must I si all dis wahala wey dey happen to mi? Anywhere wey I look, na only wahala and distroshon I dey si. Na pipol wey love to kworel and fight, dey round mi.

Zefanaya 2:1

Dis nashon wey nor get shame, make una gada togeda.

Zefanaya 3:13

Israel pipol wey remain, nor go dey sin again. Dem nor go lie and to deceive pipol, nor go dey dia mind again. True-true, dem go dey chop and sleep well and nor-tin go make dem fear again.

Zefanaya 3:15

God nor go judge una again; E don drive una enemies from una. Israel king, God dey with yu! So una nor nid to fear again.

Zefanaya 3:17

Di Oga yor God dey with yu and E dey always diliver yu. E dey happy well-well bikos of yu. En love nor go make yu fear again and E go dey sing sweet songs bikos of yu.’

Zekaraya 2:5

God don promise sey na en go bi di fire wey surround di town like wall kon protet en pipol and E go stay der with all en glory.”

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Luke 12:2

Anytin wey pipol hide naw, go kom out for publik and anytin wey dey sekret naw, God go bring am out.

Romans 2:5

But una sturbones and strong heart nor let una turn from sin kom meet God, so una dey make una ponishment many more-more, for di Day wen God go judge di world, bikos en na judge wey nor dey support bad tins.

Romans 3:26

Dis still show sey God dey rite wen E asept pipol wey bilive Jesus Christ. E dey ponish sinnas, so dat wi go know sey en na God wey nor like sin. Like dis, God show sey en dey rite and anybody wey bilive Jesus Christ, E dey make dem dey rite too.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

Deutronomi 23:14

Bikos di Oga una God dey waka for di kamp to diliver una kon kill una enemies. So una kamp must dey holy, so dat E nor go si anytin wey go make am turn from una.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

1 Pita 1:17

Since una dey koll God wey dey judge evribody akordin to wetin e do, “Papa”, make una live una life with respet for am.