Zefanaya 3:13 - Holy Bible Nigerian Pidgin English

¹³ Israel pipol wey remain, nor go dey sin again. Dem nor go lie and to deceive pipol, nor go dey dia mind again. True-true, dem go dey chop and sleep well and nor-tin go make dem fear again.

Zefanaya 3:13 ပူးပေါင်းရင်းမြစ်များ

2 Kronikles 20:30

So, Jehoshafat kon get peace, bikos God dey protet am for evry side.

Job 11:19

Yu nor go fear yor enemies again and pipol go dey kom beg yu for help.

Psalms 119:3

Dem nor dey do bad tins and dem always dey obey God word.

Psalms 120:2

My God, make Yu save mi from pipol wey dey lie and deceive odas.

Psalms 120:3

Una wey sabi lie well-well, una know how God go take ponish una? Una know how una wahala go plenty rish?

Psalms 23:2

E dey make mi rest for where good tins dey kon take mi pass river wey kwayet.

Isaya 17:2

Dem go abandon Siria town forever and animals go dey go chop grass for der and nobody go ever drive dem.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Isaya 54:14

Na raitiousness go make una strong. Una go dey save from pipol wey dey opress una and from doz wey dey kause wahala.

Isaya 6:13

Even if na one pesin for evry ten pipol remain for di land, dem go distroy am, e go bi like oak tree or Asherah pole wey dem kut for groun or sometin wey dey holy wey dem distroy. Dis holy tin, na di special family wey God choose.”

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 63:8

God sey, “Dem bi my pipol and dem nor go lie give mi.” E save dem

Isaya 65:10

Dem go woship mi kon lead dia sheep and melu go chop grass for Sharon and for Akor Valley for east.

Jeremaya 23:4

I go choose rulers wey go kare for dem. My pipol nor go fear at-all and I nor go ponish dem again. Mi, wey bi God, don tok.”

Jeremaya 30:10

My pipol, make una nor fear; make Israel pipol nor fear at-all. I go save una from di far land where una dey as prisonas. Una go kom back to una house kon stay for peace and nobody go make una fear again.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Ezekiel 39:26

Wen dem don dey stay dia on land with peace and nobody dey treaten dem again, den dem go forget how dem sofa before wen dem dey sin against mi.

Joel 3:17

“Den, Israel pipol, una go know sey na mi bi di Oga una God. I dey stay for Zion wey bi my holy hill. Jerusalem go bi holy town and strenjas nor go fit win am again.

Joel 3:21

My pipol wey I neva forgive before, I go forgive dem and mi wey bi Oga God go stay for Jerusalem with my pipol.”

Levitikus 26:6

I go give una peace for una land and fear nor go katch una wen una dey sleep. I go kill all di wild animals for di land and war nor go dey der.

Mikah 4:4

Evribody go stay for peace and dem go prosper. Dem go enjoy dia own grape and fig tree, bikos e nor get anytin wey go make dem fear. God wey dey mighty don promise!

Mikah 4:7

Doz wey dey weak, go survive and doz wey bi slave and prisonas for anoda kountry, go kon bi one strong nashon. Den mi wey bi God go rule Jerusalem as dia king forever.”

Mikah 7:14

Naw, my God, make Yu protet yor pipol with yor shepad stik. Make Yu lead yor pipol wey dey special for yor eye. Even doh dem dey stay alone for bush, make yu let dem chop betta food wey dey Bashan and Gilead, just as dem dey do before.

Zefanaya 2:7

Doz wey remain for Judah go stay for der. Dem go stay and dey chop for di house wey Ashkelon pipol run leave. Oga God go visit en pipol with kindness and make dem prosper again.

Zefanaya 3:5

But God still dey di town and E nor dey do bad at-all. E dey always judge matter well and E nor dey fail. Yet wiked pipol nor dey shame at-all.

Zekaraya 8:12

Nobody go wahala dem wen dem dey plant dia seed. Dia vine go get many fruits; di groun go produce food and rain go always dey fall for dem. I go give all dis blessings to my pipol wey remain.

Zekaraya 8:16

But dis na wetin una go do: ‘Make una always dey tell each oda di trut. Make una judge well, di kind judgement wey dey bring peace.

Zekaraya 8:3

And naw, Oga God sey, “I dey go back to Jerusalem kon stay for Zion wey bi my holy town. Den pipol go koll Jerusalem ‘Di town wey dey faithful’ and dem go koll Oga God mountin, ‘Di holy mountin.’ ”

Matiu 13:41

God Pikin go send en angels make dem go remove evritin inside en Kingdom wey dey make pipol sin and break God law.

John 1:47

Wen Jesus si Netanel dey waka kom meet am, e kon sey, “Make una look! Dis na betta pesin wey kom from Israel, wayo nor dey en belle.”

Kolossians 3:9

Since una don kill una old sef and di tins wey una dey do before, make una nor dey lie give each oda.

1 Pita 3:14

But if yu sofa bikos yu dey do good, make yu nor fear doz wiked pipol, bikos God don bless yu bi dat.

1 John 5:18

Wi know sey anybody wey bi God pikin, nor dey like to sin, but God dey keep en pikin, so dat devil nor go fit tosh am.

Revelashon 14:5

Lie-lie nor dey dia mout and dem nor get any fault.

Revelashon 21:27

But know dirty or yeye tin go ever enter di town. Pesin wey dey do bad or dey lie, nor go ever enter der, but di pipol wey go enter, na only doz wey dem rite dia name for di Lamb Life Book.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”