Zefanaya 1:7 - Holy Bible Nigerian Pidgin English

⁷ So make una stand for God wey get pawa front, bikos di wonderful day wen God go judge di world, don near. God don prepare to distroy en pipol and E don choose who go kill dem.

Zefanaya 1:7 ပူးပေါင်းရင်းမြစ်များ

Job 24:1

“Why God nor set di time wen E go take judge pipol; di day wey E go judge di pipol wey dey woship am?

Psalms 46:10

God sey, “Make una stand for where una dey, den una go know sey na mi bi God! Evry nashon go honor mi and evribody for di world go praiz my name.”

Isaya 13:3

I don give orda to di sojas wey I choose, I go take revensh thru di sojas wey I give pawa to fight and dem go show as I dey vex rish.

Isaya 13:6

So make una kry with pain, bikos di day wen God go judge una don near; di day wen God wey get pawa won take distroy evritin.

Isaya 2:12

True-true, God wey dey lead di sojas for heaven don plan di day wey E go judge evritin, bikos E go disgrace di pipol wey feel sey dem get pawa and dey make mout.

Isaya 29:2

But mi God go bring wahala kom di town; dem go mourn and kry and e go bi like my altar where dem for dey do sakrifice.

Isaya 34:5

God dey ready with en swod for heaven and E go kut Edom; doz pipol wey E won kondemn and distroy.

Isaya 34:6

Na dia blood and flesh full God swod like sey na lamb, goat or animal wey dem take do sakrifice. God go do dis sakrifice for Bozrah town and E go kill Edom pipol well-well for di land.

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Jeremaya 46:10

Na God wey dey mighty get today. Today, E go take revensh kon ponish all en enemies. En swod go kill all of dem. God wey dey mighty don sakrifice doz wey fall for en trap for di nort side for Eufrates River.

Ezekiel 7:10

Si! Di day for strong wahala dey kom. Trobol go take-ova evriwhere and pipol go dey karry body anyhow.

Ezekiel 7:7

Una wey dey di land, wahala dey kom meet una. Di time go soon rish wen una nor go dey do party for di juju house wey dey di mountin, but na so-so kry una go dey kry.

Joel 1:15

God day don near, di day wen di Almighty go distroy evriwhere. Dat day go bad well-well!

Joel 2:11

God vois bi like tonda as E dey lead en sojas wey nobody fit kount. And doz wey dey obey en kommand, many and strong well-well. Di day wey God choose go great well-well, so na who go fit survive am?

Joel 2:31

Di sun go turn to darkness and di moon go turn to blood. All dis tins go happen before di great day wey God don choose, go kom.

Amos 6:10

Wen dia rilashons; di pipol wey go burn di dead body go kom karry di body komot from di house, dem go ask di pesin wey dey di house sey, ‘E get any oda pesin wey dey here with yu?’ Di pesin go ansa, ‘No!’ Den di rilashons go sey, ‘Kwayet! Make yu nor just menshon God name.’ ”

Amos 8:3

“For dat day, na kry and mourning nois go bi di song wey dem go dey sing for di palis. Dead body go dey evriwhere and evribody go kwayet as dem dey go beri dem.”

Habakkuk 2:20

But Oga God dey en holy temple, so make evribody for di world, keep kwayet for en present.”

Zefanaya 1:14

Di day wey God go make evribody fear, don near. E go kom kwik-kwik and nobody go like am, bikos for dat day, even strong men go kry.

Zekaraya 14:1

Di day wen God go judge en pipol don near. Den, dem go tif all di propaty wey dey Jerusalem kon divide di tins wey dem tif for una present.

Zekaraya 2:13

So, make evribody kwayet for God present, bikos E dey kom from en holy place.

Malakai 4:1

Oga God sey, “True-true, Judgement day dey kom; e go kom like strong fire. All doz sturbon and wiked pipol go fall and dat day dem go burn die. Both dia rut and branches go burn finish.

Matiu 22:4

“Den e send oda savants sey, ‘Make una go tell di pipol wey wi invite sey, “Si! Di party go soon start. I don kill big melu and oda animals and evritin don ready, so make una kom for di marriage.” ’

Romans 3:19

Wi know sey wetin di law tok, na for di pipol wey dey under di law. Di law tok like dis, so dat nobody go get eskuse wen God go judge di world.

Romans 9:20

But, my friend, I dey ask, “Who yu tink sey yu bi, wey make yu dey ask God kweshon? Pot wey dem mold fit ask di pesin wey dey mold am sey, ‘Why yu dey mold mi like dis?’ ”

Filippians 4:5

Make evribody know sey una nor like wahala, bikos Jesus go soon kom.

Kolossians 1:12

Make una dey tank God, bikos E don make una share from wetin en pipol get for en kingdom wey dey give lite.

1 Samuel 16:5

Samuel ansa dem, “Yes! Na peace I bring kom. I won give God sakrifice.” So e santify Jesse and en pikin kon invite dem kom di sakrifice.

1 Samuel 20:26

Dat day, Saul nor tok anytin about am, bikos e tink sey sometin don happen wey make David nor dey okay to kom chop di food.