Titus 1:9 - Holy Bible Nigerian Pidgin English

⁹ E must bilive di message about God wey e dey tish, so dat e go fit tell pipol di trut and korrect doz wey dey oppoz am.

Titus 1:9 ပူးပေါင်းရင်းမြစ်များ

Job 2:3

God ask Satan, “Yu know my pikin wey dem dey koll Job? Nobody bi like am for dis eart; e dey klean and good well-well. E dey do wetin God wont and e nor dey do bad tins. Yu beg mi make I let yu attack am wen e nor do anytin, but e still dey fear mi as before.”

Job 27:6

I nor go ever give up, bikos I dey rite; my mind dey klean and my konscience nor dey judge mi.

Proverbs 23:23

Make yu do anytin to get wisdom, trut, undastand and good sense and if yu get dem, make yu nor sell dem, bikos dem go help yu well-well.

Acts 18:28

bikos e nor gri with wetin di Jew pipol dey tok for publik and e show dem from di Bible sey na Jesus Christ, bi di Mezaya.

1 Korintians 14:24

But if evribody dey profesai and unbilivers or pipol wi nor undastand enter di church, dem go know sey dem bi sinnas and dem go won turn from dia sin kom meet God, bikos of wetin una dey tok.

1 Tesalonians 5:21

Make una test evritin kon dey do wetin good.

2 Tesalonians 2:15

So, my brodas and sistas, make una stand well for groun kon whole wetin wi tish una tait; weda na thru di words wey wi tok or letas wey wi rite.

1 Timoti 1:10

Di law na for pipol wey dey sleep with who dem nor marry; man wey dey sleep with man; woman wey dey sleep with woman; pesin wey dey sell pipol as slave; lie-lie pipol; doz wey dey promise and dem nor fit do am or anybody wey nor dey obey di rite tishings

1 Timoti 1:15

Dis na true word and e good for evribody to asept and bilive am sey: “Jesus Christ kom dis world kon save sinnas” and na mi worse pass.

1 Timoti 1:19

Whole yor faith for Christ well and make yor mind dey klear. Bikos some pipol nor dey use good mind and bikos of dat, dia faith don skata.

1 Timoti 4:9

Dis na true word and e good make evribody asept am with betta mind.

1 Timoti 6:3

If anybody dey tish wetin nor korrect and nor gri with awa Oga God Jesus Christ tishing and as God wont make wi dey live awa life,

2 Timoti 1:13

Make yu kontinue with di word wey I tell yu kon dey do am with di faith and love wey dey inside Christ.

2 Timoti 2:2

Di tins wey yu hear mi tok for pipol present, make yu tish oda pipol wey yu trust sey dem dey ready to tish odas.

2 Timoti 2:25

E must dey gentol as e dey korrect pipol wey dey oppoz en prishin and God fit let dis pipol turn from sin kom meet am, so dat dem go know di trut.

2 Timoti 3:14

But make yu kontinue to do wetin yu learn. Yu know sey dis tins na true and yu trust doz wey tish yu.

2 Timoti 4:3

Bikos time dey kom wen pipol nor go won hear good and betta tishing again. Instead, dem go dey follow wetin dey hongry dem to do kon dey find tisha wey go tish dem wetin dem won hear.

Titus 1:11

So wi must stop dem, bikos dem dey tish pipol tins wey go make pipol komot from di trut and dem dey do like dis, bikos of di money wey dem go get.

Titus 2:1

But for yu Titus, yu must tish pipol how to bihave well.

Jude 1:3

My friends, even doh e don dey hongry mi since to rite give una about di salvashon wey wi dey share togeda, naw e strong well-well for my mind to rite, so dat una mind go dey strong. So una go fit stand fight for wetin wi bilive; di tins wey God don give en pipol and nor-tin go fit shange am.

Revelashon 2:25

Make una whole wetin una get until I kom.

Revelashon 3:11

I go soon kom. Make yu whole wetin yu get well-well, so dat nobody go take yor crown from yu.

Revelashon 3:3

Make yu remember wetin yu don hear and receive and make yu obey dem kon turn from sin kom meet God. If yu nor shine yor eye well, I go kom like tif and yu nor go know di time wen I go kom.