Romans 8:31 - Holy Bible Nigerian Pidgin English

³¹ Wetin wi go tok about all dis tins? If God dey for awa side, who go fit dey against us?

Romans 8:31 ပူးပေါင်းရင်းမြစ်များ

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

1 Kings 8:57

Make di Oga wey bi awa God dey with us as E bin dey with awa grand-grand papa dem and make E nor leave or abandon us.

2 Kings 6:16

Elisha ansa, “Make yu nor fear, bikos di ones wey dey with us, many pass di ones wey dey with dem.”

1 Kronikles 19:15

Wen Ammon pipol si Aramean pipol dey run, dem too kon start to run from Abishai go inside dia town. Den Joab and en sojas kon go back to Jerusalem.

1 Kronikles 5:22

Dem kill many enemies, bikos God fight for dem. So dem kon dey stay dat aria until dem karry dem go Babilon as slaves.

Psalms 118:6

God dey my side, so I nor go fear. So wetin ordinary pesin fit do mi?

Psalms 46:11

God wey dey lead heaven sojas dey with us and na Israel God dey protet us.

Psalms 46:7

God wey dey lead heaven sojas dey with us and na Israel God dey protet us.

Psalms 56:11

I trust God well-well, so wetin go make mi dey fear? Wetin ordinary human being go fit do mi?

Psalms 56:4

I praiz God for wetin E don promise. I trust God, so wetin go make mi dey fear?

Psalms 56:9

My enemies go run wen I koll Yu for help, bikos I know sey God dey for my side!

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 54:17

But nor-tin wey pipol use against una, go fit distroy una; una go ovakom evribody wey dey akuiz una. Dis na wetin pipol wey dey serve Mi dey enjoy and I go defend and make dem win.” Na so God tok!

Isaya 8:10

Even if una plan, una nor go susid. Make una tok anytin wey una wont, but all of dem go dey yuzles, bikos God dey with us.

Jeremaya 1:19

Dem go attack yu, but dem nor go fit win yu, bikos I go dey der to save yu. Mi, wey bi God, don tok.”

Jeremaya 20:11

But God wey strong and get pawa, dey my side. So doz wey dey plan against mi, go fail. Yu go disgrace dem forever, bikos dem nor go susid and dem nor go ever forget di disgrace.

Jeremaya 42:11

Make una nor fear Babilon king; I dey with una and I go save una from en pawa.

Nombas 14:9

Make una nor dey sturbon to God and make una nor fear di pipol wey dey di land, bikos dem bi like bread to us. God dey with us and E don defeat di gods wey dey protet dem; so make una nor fear.”

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Romans 3:5

If God nor ponish us for di bad tins wey wi dey do, e mean sey God dey support us? No! So if God ponish us, wi go sey E dey wiked? (Na so some pipol dey tok).

Romans 4:1

Na wetin Abraham awa grand-grand papa learn from dis matter?

Deutronomi 33:29

Israel pipol, si as una dey happy! Who bi like una? Una bi pipol wey God diliver, bikos na God dey protet una and na-im bi una swod. Make una enemies kry before una and una go mash dia back pass.”

Joshua 10:42

Joshua katch all dis kings and dia land for just one fight, bikos di Oga wey bi Israel God dey fight for en pipol.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

1 Samuel 14:6

Jonatan kon tell en savant, “Kom make wi go di oda side go meet all dis men wey dem nor sekonsaiz. May bi God fit fight for us. Nor-tin go fit stop God to save us, weda dem many or small.”