Romans 8:24 - Holy Bible Nigerian Pidgin English

²⁴ Na dis hope save us. But if wi don already get wetin wi dey hope for, den wi nor nid to dey hope again. Abi who dey hope for wetin e don already get?

Romans 8:24 ပူးပေါင်းရင်းမြစ်များ

Psalms 146:5

But pipol wey Israel God bi dia helpa and hope, dey inside di Oga God and na joy dey follow dem.

Psalms 33:18

But God dey guide doz wey dey fear am; doz wey bilive en love wey nor dey fail.

Psalms 33:22

My God, make yor love wey nor dey fail, protet us, bikos na Yu bi di hope wey wi get.

Proverbs 14:32

Na trobol dey distroy wiked pipol, but doz wey dey fear God, go get life afta dem don die.

Jeremaya 17:7

But I go bless doz wey trust mi. Pipol wey bilive sey I go save dem.

Zekaraya 9:12

Israel pipol wey bi prisonas, make una kom back, bikos una don get hope. Make una kom back to di place where una go for dey save. I dey tell una naw sey, ‘I go give una doubol blessing, bikos of how una don sofa.’

Romans 12:12

Make una let una hope give una happiness. Make una dey patient wen trobol kom and nor stop to pray.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 15:4

Bikos evritin wey dem rite from biginnin, na to tish, enkourage and give us hope.

Romans 4:18

Even wen tins hard, Abraham still bilive God and e hope sey God go do am, even wen e bi like sey nor-tin go happen. But naw, e don bikom, “Papa for many nashons.” Just as God tell am, “Yor shidren go many like di stars wey dey heaven.”

Romans 5:2

Na faith e take buy us so dat wi go enter God grace, di place where wi dey naw. So wi fit boast with God glory wey wi dey enjoy.

Romans 8:20

Bikos of sin, di world dey sofa from God curse naw and nor bi bikos dem wont am like dat. But di world dey hope

1 Korintians 13:13

And naw wi get faith, hope and love. But di one wey big pass for di three, na love.

2 Korintians 4:18

Wi nor dey look for wetin eye fit si, but na wetin eye nor fit si. Bikos wetin eye fit si nor go last, but di tins wey eye nor fit si, dey last forever.

2 Korintians 5:7

bikos wi dey live awa life with faith, nor bi with wetin wi dey si.

Galatians 5:5

Bikos na thru faith for God Spirit, naim wi hope sey, God go make us dey good for en eye.

Kolossians 1:23

If true-true una get faith and una leg strong for groun, den una go get hope kon whole di gospel wey una hear. Dem don prish dis gospel give evribody for di world and mi Paul don bi di gospel savant.

Kolossians 1:27

God wont make dem know di rishis wey dey en glory; wey di sekret get for evribody and na-im bi Christ wey dey inside una. So una get hope sey una go share for God glory.

Kolossians 1:5

Wen una first hear about di Good News wey bring trut, una kon get love and faith for wetin God prepare for una for heaven and na dis gospel

1 Tesalonians 5:8

But since wi bilong to lite, make wi dey kwayet, use faith and love take protet awa chest, den wear di hope wey wi get like priest kap for head.

2 Tesalonians 2:16

Naw I dey pray sey, God wey love and give us betta konfort thru en grace and hope,

Titus 3:7

Since Christ grace don make us klean for God eye, wi don bi pipol wey dey wait for di life wey nor go end and wi dey sure sey, wi go get am.

Hibru 11:1

Faith na wen wi dey sure sey wetin wi dey hope for go happen and wi sure sey, di tins wey wi neva si, go kom.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 Pita 1:3

Wi tank God wey bi awa Oga God Jesus Christ Papa, for di mesi wey E dey show us. God give us new life thru Jesus Christ wey E wake from deat and naim bi di Pesin wey give us hope.

1 John 3:3

And evribody wey get dis hope for Christ, dey make ensef pure, just as Jesus dey pure.