Romans 7:6 - Holy Bible Nigerian Pidgin English

⁶ But naw, wi don free from di law. Wi bi like deat body and di law nor get pawa for awa body again. Naw wi suppose to serve God with di new life wey di Spirit dey give, nor bi di old life, wey bi to obey di law wey pesin rite.

Romans 7:6 ပူးပေါင်းရင်းမြစ်များ

Ezekiel 11:19

I go give dem new heart and mind. I go komot dia sturbon heart wey bi like stone kon put anoda heart wey dey gentol and dey obey.

Ezekiel 36:26

I go give una new heart; di one wey go make una obey my kommand.

Romans 1:9

God wey I dey serve and prish en pikin gospel, na-im fit bear mi witness sey I always dey remember una

Romans 12:2

Make una nor bi like pipol for di world, but make una allow God shange una mind, den una go know how to serve God and do tins wey dey make belle sweet am.

Romans 6:11

So make una know sey, una don ovakom sin too and una get life thru Jesus Christ.

Romans 6:19

(I dey tok with human being sense, bikos I know sey una dey weak.) Before, una dey give una body like slave to bad tins, but naw, una must use una full body take serve God, so dat una go dey do only wetin God wont.

Romans 6:2

No! Why wi wey don turn from sin go still dey live inside am?

Romans 6:22

But naw, una don dey free from sin kon bi God savant. Dis go make una dey holy and God go give una life wey nor dey end.

Romans 6:4

Dem beri us with am wen wi baptize, so as God raiz Christ from deat thru en pawa with glory, na so wi too go get life wey nor dey end.

Romans 7:1

My brodas and sistas, I know sey I dey tok to pipol wey know di law. Na only wen pesin still dey for life, naim di law dey get pawa for en body.

Romans 7:2

As di law tok, woman wey don marry dey under en husband as long as di man dey alive. But if di man die, di woman don free.

Romans 7:4

So my brodas and sistas, na so e bi with una too. Una don bikom part for Jesus Christ body and una don die to di law pawa. Naw, una dey free to bi Christ own; di pesin wey God raiz from deat make una for dey serve am.

2 Korintians 3:6

Na God make us fit do dem, so dat wi go serve di new kovenant; dis nor bi di law wey dem rite, but na di one wey koncern God Spirit, bikos di law wey dem rite dey bring deat, but di Spirit dey give life.

2 Korintians 5:17

So, if any man dey inside Christ, e don dey new, Christ don klean di bad tins wey e do before and evritin don turn to new one!

Galatians 3:13

Christ don save us from di curse wey di law bring, bikos e die for cross for us (just as dem rite am, “Anybody wey dem hang for tree, curse dey en head”),

Galatians 6:15

Weda pesin sekonsaiz or not, e nor mean anytin, di only tin wey matter bi sey, una don turn to new pesin.

Efesians 4:24

Den, true raitiousness and holiness wey di trut dey bring, make una wear di new man wey God don kreate like ensef.

Filippians 3:3

Na wi bi di really sekonsishon; di pipol wey dey woship God thru en Spirit; pipol wey dey happy inside Christ and wi nor dey put awa hope for wetin pipol dey do.

Kolossians 3:10

Make una wear di new pesin, so dat una go dey new as una dey learn to know and bi like di Pesin wey kreate una.