Romans 7:5 - Holy Bible Nigerian Pidgin English

⁵ Wen wi still dey di world, di law dey make us do bad tins wey awa body wont and all dis tins dey bring deat.

Romans 7:5 ပူးပေါင်းရင်းမြစ်များ

Matiu 15:19

Na from pesin heart bad-bad tins dey kom out and na dis tins dey make dem kill; sleep with who dem nor marry; tif; lie and judge pesin for en back.

John 3:6

Wetin flesh born, na flesh e bi, but wetin God Spirit born, na spirit e bi.

Romans 1:26

Bikos of dis, God leave dem for dia yeye life. Even di wimen shange and dem kon dey do tins wey nor good.

Romans 3:20

Nobody dey good for God eye, bikos e dey obey di law. But na thru di law, wi take know wetin sin mean.

Romans 4:15

Di law dey bring God vexnashon, bikos where sin nor dey, law nor go dey.

Romans 5:20

Di law kom so dat sin go inkrease, but where sin get pawa, God grace strong pass am

Romans 6:13

Make una nor let Satan use una body take do bad tins, but make una karry unasef give God as pipol wey don wake-up from deat, so dat una go dey do good tins.

Romans 6:19

(I dey tok with human being sense, bikos I know sey una dey weak.) Before, una dey give una body like slave to bad tins, but naw, una must use una full body take serve God, so dat una go dey do only wetin God wont.

Romans 6:21

So wetin una gain from all doz bad tins wey una do? Na shame and deat doz tins dey bring.

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

Romans 7:23

but inside mi, I kon undastand sey sometin dey fight against my mind and e dey make mi bi sin savant, bikos e dey kontrol my body.

1 Korintians 15:56

Na sin dey make deat win and na di law dey kause sin.

2 Korintians 10:3

Bikos even doh wi dey for dis world, wi nor dey fight as pipol wont am.

Galatians 3:10

Pipol wey dey under di law and dem nor dey do evritin wey di law tok, dey under curse, bikos dem rite am sey, “E nor go betta for anybody wey nor dey do evritin wey dey di law.”

Galatians 5:24

Pipol wey dey inside Christ don kill dia flesh with all di bad tins wey di flesh dey like to do.

Efesians 2:11

Make una remember sey before-before una bi Gentile pipol wey dey do wetin di flesh wont and Jew pipol dey koll una, “pipol wey dem neva sekonsaiz” like di way dem dey sekonsaiz human being.

Efesians 2:3

All of us dey live dis kind life before. Wi dey do difren tins wey awa body and mind wont. Dat time, wi bi shidren wey God won ponish like oda sinnas.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

James 1:15

Wen di bad tins wey e won do, don mature, e go make am sin and wen sin don grow well-well, e go kause deat.

James 4:1

Wetin dey make una kworel and fight? Nor bi di tins wey dey hongry una to do?

1 John 3:4

Evribody wey dey like to sin, nor dey obey God law and to sin, na to disobey God law.