Romans 7:4 - Holy Bible Nigerian Pidgin English

⁴ So my brodas and sistas, na so e bi with una too. Una don bikom part for Jesus Christ body and una don die to di law pawa. Naw, una dey free to bi Christ own; di pesin wey God raiz from deat make una for dey serve am.

Romans 7:4 ပူးပေါင်းရင်းမြစ်များ

Isaya 54:5

Bikos di Pesin wey kreate una, go bi una husband. Na God wey get pawa bi en name. Israel God wey dey holy go save una. Dem dey koll am di God of di whole eart.

Isaya 62:5

Like yong man wey marry virgin, na so too en wey form una, go marry una. As husband dey happy with en wife, na so una God go dey happy with una too.

Matiu 26:26

As dem dey chop, Jesus take bread kon tank God, afta e divide am, e give en disciples, kon sey, “Make una chop, dis na my body.”

Mark 4:20

But di ones wey fall for betta groun, na doz wey hear di word kon receive am and bear many fruits, some bear rish thirty, some sixty and some hundred.”

John 15:8

My Papa go get big honor if una bear plenty fruit, wey go show sey una bi my disciples.

John 3:29

Di pesin wey won marry new wife naim bi di bridegroom. En friend, wey bi di best man, dey listin to am. E go dey happy well-well wen e hear di bridegroom dey tok. Na dis dey make mi happy and my joy don full.

John 6:51

Na mi bi di bread wey kom down from heaven. Anybody wey chop dis bread go live forever. Na my flesh bi di bread wey I go give di pipol wey dey for dis world.”

Romans 6:11

So make una know sey, una don ovakom sin too and una get life thru Jesus Christ.

Romans 6:14

Sin nor go fit kontrol una, bikos una nor dey under di law again, but na God grace dey kontrol una naw.

Romans 6:2

No! Why wi wey don turn from sin go still dey live inside am?

Romans 6:22

But naw, una don dey free from sin kon bi God savant. Dis go make una dey holy and God go give una life wey nor dey end.

Romans 7:3

So if woman marry anoda man wen en husband still dey alive, e mean sey e don kommit adultery. But if en husband die, e don free from wetin di law tok and e go fit marry anoda man again.

Romans 7:6

But naw, wi don free from di law. Wi bi like deat body and di law nor get pawa for awa body again. Naw wi suppose to serve God with di new life wey di Spirit dey give, nor bi di old life, wey bi to obey di law wey pesin rite.

Romans 8:2

Since di Holy Spirit don give una life wey kom from Jesus Christ, e go free una from sin and deat.

1 Korintians 10:16

Wen wi drink from di Oga God Supper cup, dat mean sey wi dey share from Christ blood. Wen wi chop from di bread wey wi divide, dat mean sey wi dey share for Christ body.

2 Korintians 11:2

I dey jealous for una with God jealousy, bikos I promise sey na one man una go marry. Like woman wey nor no man, na so I won give una to Christ.

Galatians 3:13

Christ don save us from di curse wey di law bring, bikos e die for cross for us (just as dem rite am, “Anybody wey dem hang for tree, curse dey en head”),

Galatians 5:18

But if una allow di Spirit kontrol una, den una nor dey under di law again.

Efesians 2:15

E don kansol Jew pipol law with all en kommand and rules, so dat e go fit make Jew and Gentile pipol to bi one with am and like dis, peace go dey among dem.

Filippians 1:11

Make di work wey Christ do for us and how to please God, full una mind. Den all di glory and praiz go bi God own.

Filippians 4:17

I nor dey tok dis bikos I wont gift, but make una for gain from dis work wey una dey do.

Kolossians 1:10

den una life go betta just as Christ wont. For all di good tins wey una dey do, make una dey bear fruit and learn to know God more-more.

Kolossians 1:22

But naw, with en pikin blood, E don draw una klose kom en present, so dat E go make una en friends wey nor get stain or fault and wey dey holy.

Kolossians 1:6

kom meet una. Dis gospel dey bear fruit for di whole world and since di day wey una hear am, una don undastand as God grace big rish and e don dey bear fruit and grow among una.

Kolossians 2:14

E don distroy doz bad-bad tins wey una dey do and wetin dem rite about awa debt wey fit kill us, God remove am kon nail dem for di cross.

Kolossians 2:20

Since una don die with Christ and e don free una from wiked pipol, den why una still dey bihave as pipol wey nor know God?

Hibru 10:10

Bikos Jesus do wetin God wont, all of us don dey holy thru di sakrifice wey e use en body make for us.

1 Pita 2:24

E karry awa sin for cross, so dat wi go stop to sin and dey do good for God eye. “Na di wound wey dem wound am, naim make us well.”

Revelashon 19:7

Make wi happy well-well kon gi-am glory, bikos di Lamb marriage don rish and di pesin wey E won marry, don ready too.”

Revelashon 21:9

Den one for di seven angel wey bin whole di seven basin wey di seven last ponishment full, waka kon tell mi sey, “Make yu kom, so dat I go show yu di woman wey won marry; di Lamb wife!”