Romans 5:21 - Holy Bible Nigerian Pidgin English

²¹ and as sin dey kontrol us thru deat, na so God grace dey rule thru raitiousness wey dey bring life wey nor dey end bikos of Jesus Christ wey bi awa Oga God.

Romans 5:21 ပူးပေါင်းရင်းမြစ်များ

Matiu 25:46

“So wiked pipol go enter ponishment wey nor go end, but raitious pipol go get life wey nor go end too.”

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

John 10:28

I don give dem life wey nor dey end and dem nor go ever die. Nobody go fit take dem komot from my hand.

Romans 4:13

Wen God promise Abraham and en shidren sey dem go inherit di whole world, E do am, nor bi bikos Abraham dey obey di law, but bikos e bilive God and God si am as raitious pesin.

Romans 5:12

Na thru one man sin enter dis world and deat kom thru sin. So wi must die, bikos evribody don sin.

Romans 5:14

From Adam kon rish Moses time, na deat dey rule for dis world, even doh nor bi evribody disobey God kommand like Adam. Dis Adam bi like Christ wey kom leta.

Romans 5:17

But if na bikos of one man sin deat kill evribody, den, doz wey don get favor and Christ gift, dey good for God eye and dem go enjoy life thru Jesus Christ!

Romans 6:12

Derfor, make una nor allow sin kontrol una body again, so dat una nor go dey do bad tins.

Romans 6:14

Sin nor go fit kontrol una, bikos una nor dey under di law again, but na God grace dey kontrol una naw.

Romans 6:16

Yu nor know sey wetin yu give yor body to, na-im go kontrol yu? If na sin, e go kause deat, but if na God, E go make yu dey live raitious life.

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

Romans 8:10

Christ dey live inside una. So una dey alive, bikos God don asept una, even doh una body must die, bikos of una sins.

Titus 2:11

Bikos God grace wey bring salvashon, don kom out make evribody si am.

Hibru 4:16

Make wi nor fear to enter where God throne dey: di place where grace dey, so dat wi go get mesi and God grace go help us wen wi nid help.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

1 John 2:25

Dis na di promise wey Christ ensef promise us sey, di life wey e go give, nor go ever end.