Romans 5:12 - Holy Bible Nigerian Pidgin English

¹² Na thru one man sin enter dis world and deat kom thru sin. So wi must die, bikos evribody don sin.

Romans 5:12 ပူးပေါင်းရင်းမြစ်များ

Jenesis 2:17

but make yu nor chop from di tree wey get life; wey dey make pesin know tins; di tree wey dey good and bad, bikos wen ever yu chop from am, na dat day, yu go die.”

Jenesis 3:19

Yu go sweat before yu chop, until di day wey yu go die go back to groun, where I from kreate yu.”

Jenesis 3:6

Wen di woman si sey di fruit wey di tree dey produce fine well-well and e good to chop; and e go make pesin get sense well-well, e kon take some of di fruit chop. Di woman still give some to en husband wey dey with am and e kon chop too.

Psalms 51:5

Si, na for inside sin, dem born mi; Yes! Na rite from di time wey my mama get my belle.

Ezekiel 18:4

Na mi get evribody life, even una papa and mama plus dia shidren life, na mi get am. Di pesin wey sin, na-im go die.

Romans 3:23

Evribody don sin and wi don fall komot from God glory,

Romans 5:18

God go ponish evribody bikos of Adam sin. But bikos of di good tins wey Jesus do, God don asept and give us di gift wey dey give life.

Romans 5:19

Bikos Adam nor obey God, many pipol bigin sin. But since Jesus obey God, many pipol go obey God too.

Romans 5:21

and as sin dey kontrol us thru deat, na so God grace dey rule thru raitiousness wey dey bring life wey nor dey end bikos of Jesus Christ wey bi awa Oga God.

Romans 6:21

So wetin una gain from all doz bad tins wey una do? Na shame and deat doz tins dey bring.

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

1 Korintians 15:56

Na sin dey make deat win and na di law dey kause sin.

Efesians 2:3

All of us dey live dis kind life before. Wi dey do difren tins wey awa body and mind wont. Dat time, wi bi shidren wey God won ponish like oda sinnas.

James 1:15

Wen di bad tins wey e won do, don mature, e go make am sin and wen sin don grow well-well, e go kause deat.

James 3:2

bikos wi dey make many mistake. If pesin nor dey make mistake for wetin e dey tok, dat mean sey e dey pafet and e go fit kontrol en body.