Romans 3:23 - Holy Bible Nigerian Pidgin English

²³ Evribody don sin and wi don fall komot from God glory,

Romans 3:23 ပူးပေါင်းရင်းမြစ်များ

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

1 Kings 8:46

Wen yor pipol sin against Yu (bikos e nor get who nor dey sin) and Yu vex kon let dia enemies defeat and karry dem like prisonas go anoda land. Even if di land far well-well,

Ekklesiastes 7:20

bikos e nor get anybody for dis world wey dey good well-well and nor dey sin.

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Romans 11:32

God trit evribody as prisonas, bikos wi nor gri do wetin E tell us. But E do am like dat, so dat E go fit sorry for all of us.

Romans 3:19

Wi know sey wetin di law tok, na for di pipol wey dey under di law. Di law tok like dis, so dat nobody go get eskuse wen God go judge di world.

Romans 3:9

So wetin wi go tok? Wi go sey na wi wey bi Jew betta pass? Dat na lie! Bikos as I don already show una, Jew and Gentile pipol dey kommit sin.

Romans 5:2

Na faith e take buy us so dat wi go enter God grace, di place where wi dey naw. So wi fit boast with God glory wey wi dey enjoy.

Galatians 3:22

But God word kondemn evritin and evribody under sin, so dat wi; di pipol wey bilive, go get God promise thru Jesus Christ.

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.

2 Tesalonians 2:14

E koll una enter en salvashon thru awa message, so dat una go fit get share for Christ glory.

Hibru 4:1

Even doh God promise us rest, e good make wi dey kareful, so dat some among us nor go miss di promise.

1 Pita 4:13

Instead, make una dey happy as una dey sofa for Christ, so dat wen God go show una en glory, belle go sweet una.

1 Pita 5:1

Mi wey bi una fellow elder, wey si how Christ sofa and go share for God glory wey go soon kom, dey beg di eldas among una sey:

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.