Romans 2:9 - Holy Bible Nigerian Pidgin English

⁹ Anybody wey dey do bad tin, weda e bi Jew or Gentile, must sofa and receive ponishment.

Romans 2:9 ပူးပေါင်းရင်းမြစ်များ

2 Kronikles 6:23

make Yu listin from heaven kon judge di kase. Make Yu ponish di pesin wey dey guilty, den free di one wey dey innocent and make Yu reward di two of dem akordin to wetin dem do.

Psalms 32:10

Plenty trobol dey kom meet wiked pipol, but di love wey nor dey fail, dey kover doz wey trust God.

Proverbs 11:23

Wetin good pipol wont, dey bring good result; but evribody dey vex if wiked pesin get wetin e wont.

Ezekiel 18:4

Na mi get evribody life, even una papa and mama plus dia shidren life, na mi get am. Di pesin wey sin, na-im go die.

Ezekiel 22:31

So, I go pour my vexnashon for dia head kon distroy dem with fire, bikos of di bad tins wey dem do.” God wey get pawa don tok.

Amos 3:2

“Out of all di families for di eart, na only una I know and kare for and bikos of dis, I go ponish una for all una sins.”

Matiu 16:26

Wetin pesin go gain, if di whole world bi en own, but e luz en soul? Or wetin pesin go fit give take pay for en soul?

Luke 24:47

and dem go use en name prish give pipol make dem for turn from dia sin kom meet God and di prishin go start from Jerusalem.’

Acts 11:18

Wen dem hear wetin Pita tok, dem nor argue with am again, so dem kon start to praiz God. Den dem sey, “Naim bi sey God don give Gentile pipol di shance to take turn from sin kom meet am, so dat dem go get di life wey nor dey end.”

Acts 13:26

So my brodas, wey bi Abraham shidren and una wey bi Gentile pipol wey dey fear God, na di message about how God go take save pipol, naim wi kom tell una so.

Acts 20:21

I dey prish give Jew and Greek pipol sey make dem turn from sin kom meet and serve God and put dia faith for awa Oga God Jesus Christ.

Acts 26:20

but I first go Damaskus, go tell di pipol wey dey der and den, I kon go meet di pipol wey dey for Jerusalem and Judea. Afta, I go meet Gentile pipol sey, make dem turn from sin kom meet God and make dem do tins wey go show sey, dem don really turn from sin kom meet God.

Acts 28:17

Afta three days, Paul koll all di Jew pipol oga dem togeda. Wen dem don gada, e kon tell dem, “My pipol, even doh I nor do anytin against awa pipol or awa grand-grand papa dem tradishon, from Jerusalem naim dem turn mi to prisona kon karry mi give Rome pipol.

Acts 28:28

“So make una know sey, dis salvashon wey God bring, dem don karry am go meet Gentile pipol, bikos dem go asept am!”

Acts 3:26

So God don raiz en savant and E don send am give una, make e for bless and help una turn from sin kom meet am.”

Romans 1:16

I nor dey shame to prish God word, bikos na-im bi di pawa wey God take dey save doz wey bilive am, weda dem bi Jew or Gentile pipol.

Romans 10:12

Jew and Gentile pipol nor dey difren for God eye and E dey bless evribody wey dey pray to am,

Romans 2:10

But God go give glory, honor and peace to anybody wey dey do good, weda e bi Jew or Gentile,

Romans 8:35

Na who go fit separate us from Christ love? Na trobol or opreshon; honga or poverty; wahala or deat; or na bikos klot nor dey to wear?

Romans 9:24

Weda wi bi Jew or Gentile pipol, E don choose us.

Galatians 3:28

E nor matter weda una bi Jew or Greek pipol, savant or free pesin, man or woman, bikos all of una dey inside one body for Christ.

Kolossians 3:11

For heaven, e nor get anytin like Greek or Jew pesin; pesin wey dem sekonsaiz or not; bush pesin; pipol wey dey chop human being; slave or free pesin, but na Christ bi all and e dey inside all of us.

2 Tesalonians 1:6

E good as God dey ponish di pipol wey dey trobol una.

1 Pita 4:17

Di time for judgement don rish and e go start with God pipol. And if e start with us, wetin go happen to pipol wey nor dey obey God?