Romans 2:7 - Holy Bible Nigerian Pidgin English

⁷ God go give life wey nor dey end to di pipol wey dey do good, wey wont glory, honor and long life.

Romans 2:7 ပူးပေါင်းရင်းမြစ်များ

Job 17:9

But doz wey get good heart, dey do wetin dey rite and di ones wey get klean hand, dey strong evriday.

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 37:3

Make yu trust God and do wetin dey good, den yu go get peace for di land and yu go prosper.

Psalms 37:34

So make yu put yor hope for Oga God. Make yu dey always waka for en ways and E go honor yu wen E give yu dis land, den yu go si as E dey distroy wiked pipol.

Ezekiel 18:17

and nor gri do wiked tins or borrow pipol money to get gain. But dey keep my law and obey my kommand. E nor go die, bikos of en papa sin, but e go get long life.

Matiu 25:46

“So wiked pipol go enter ponishment wey nor go end, but raitious pipol go get life wey nor go end too.”

Luke 21:19

So, if una stand rish di end, God go save una.”

Luke 8:15

But di seeds wey fall for betta groun, na di pipol wey hear God word, hold am with betta mind, dey obey God and bear wahala, so dem kon bear plenty fruit.”

John 4:36

God go reward di pesin wey plok plenty fruit from wetin odas plant and e go get life wey nor dey end. So, di pesin wey plant and di pesin wey plok wetin dem plant, go happy togeda.

John 5:44

How una go fit bilive wen una dey praiz each oda and una nor kare for di praiz wey only God fit give.

Romans 2:10

But God go give glory, honor and peace to anybody wey dey do good, weda e bi Jew or Gentile,

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

Romans 8:18

I dey sure sey, wi nor go fit kompare all di sofa wey wi dey sofa naw, with di glory wey God go give us.

Romans 9:23

E dey do like dis to show en glory wen E pity for pipol wey E choose to show en glory.

1 Korintians 15:42

Na so e go bi afta wi don raiz-up from deat. Dis body wey wi get naw, go die, but di body wey wi go take raiz from deat, go dey forever.

1 Korintians 15:50

My friends, I wont make una know sey awa body wey get blood go rotin. Dat mean sey dis kind body, nor go fit enter God kingdom wey go dey forever.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

Galatians 6:9

So make to do good, nor taya us, bikos wen time rish, wi go gain am.

Efesians 6:24

Make God grace dey with evribody wey love awa Oga God Jesus Christ with di love wey nor dey die.

Kolossians 1:27

God wont make dem know di rishis wey dey en glory; wey di sekret get for evribody and na-im bi Christ wey dey inside una. So una get hope sey una go share for God glory.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

2 Timoti 1:10

But naw, E don bring all dis plan out wen awa Oga God Jesus Christ kom dis world. E distroy deat pawa kon bring life wey nor dey end thru di gospel.

Hibru 2:7

Aldo yu make angels high pass am small. But yu kon gi-am honor and glory.

Hibru 6:12

So make any of una nor taya, but make una dey patient and bilive, so dat una go gain God promise.

Hibru 6:15

Bikos Abraham get patient, God kon gi-am wetin E promise am.

1 John 2:25

Dis na di promise wey Christ ensef promise us sey, di life wey e go give, nor go ever end.