Romans 2:5 - Holy Bible Nigerian Pidgin English

⁵ But una sturbones and strong heart nor let una turn from sin kom meet God, so una dey make una ponishment many more-more, for di Day wen God go judge di world, bikos en na judge wey nor dey support bad tins.

Romans 2:5 ပူးပေါင်းရင်းမြစ်များ

2 Kronikles 30:8

Make una nor dey sturbon like una papa, but make una obey God as una dey kom en house wey E don make holy forever. Make una serve am forever, so dat E nor go vex for una.

2 Kronikles 36:13

King Zedekaya attack King Nebukadnezzar wey don make am swear with God name sey e go dey loyal to am. King Zedekaya sturbon well-well and e nor gri turn from sin kom meet di Oga wey bi Israel God.

Job 21:30

Di day wey God go vex ponish pipol, na di wiked ones E go sorry for.

Psalms 110:5

Di Oga God stand for yor rite hand to protet Yu and E go kill many kings, wons E don dey vex.

Psalms 95:8

God sey, “Make una nor sturbon as Israel pipol do wen dem dey Meribah and Massah wey dey di wildaness.

Exodus 14:17

But I go make Egypt sojas heart strong, so dat dem go porshu una and pipol go honor mi, bikos of wetin I go do to Fero, en shariot and doz wey dey ride dem.

Exodus 32:34

Naw make yu dey go; karry di pipol go di place wey I bin tell yu! Si, my angel go lead yu. Wen di day rish wen I go judge each pesin akordin to wetin e do, den I go ponish evribody for dia sin.”

Exodus 8:15

But wen Fero si sey di wahala don end, en heart kon strong more and e nor gri listin to dem, just as Oga God tok.

Proverbs 1:18

But pipol wey dey do like dat, dey set trap for demsef and na di trap go kill dem.

Proverbs 11:4

Wen God won judge yu, yor money and propaty nor go fit help yu, but na to obey God bi di only tin wey go fit save yor life.

Proverbs 28:14

If yu always dey obey God, happiness go follow yu, but yu go distroy yor life if yu dey sturbon.

Proverbs 29:1

If yu nor dey gri take korreshon, one day yu go fall and yu nor go fit stand again.

Ekklesiastes 12:14

For evritin wey wi dey do, make wi know sey God go judge us; even di ones wey wi do for sekret, weda dem dey good or bad.

Isaya 48:4

Bikos I know how una sturbon rish; una neck strong like iron and una head bi like bronze.

Jeremaya 40:3

and naw, E don do wetin E sey E go do. All dis tin happen, bikos yor pipol sin and nor gri obey God.

Ezekiel 11:19

I go give dem new heart and mind. I go komot dia sturbon heart wey bi like stone kon put anoda heart wey dey gentol and dey obey.

Ezekiel 3:7

But nobody for Israel go listin to yu, bikos dem nor go even gri listin to mi. All of dem too sturbon and dem nor dey hear word.

Daniel 5:20

But e kom dey karry body up, dey sturbon and pride kon full en spirit, so God remove am from en throne and e kom lost en respet.

Hosea 13:12

I don gada Efraim pipol sin kon keep am dey wait di time wen I go ponish dem.

Amos 3:10

God sey, “Propaty wey dis pipol use wahala and wayo get, na-im dem pak full dia house and dem nor even dey tok trut or do wetin dey rite.”

Romans 1:18

Bikos of all di sins and bad tins wey wiked pipol dey do, God vexnashon dey show from heaven and di sins dey kover di trut.

Romans 11:25

My friends, I nor won make una dey boast about unasef. So I go tell una wetin happen to Israel pipol. Some among dem sturbon well-well and na so dem go bi until di nomba for Gentile pipol wey God wont, don komplete.

Romans 9:22

But God won show sey E dey vex, so E kon use en pawa against doz wey E won ponish.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

Deutronomi 2:30

But King Sihon for Heshbon nor gri, bikos na so God wont make e bi, so dat E go fit give di land to us today.

Deutronomi 32:34

God sey, “I nor dey keep all dis tins among di tins wey I value?

2 Tesalonians 1:5

Dis na sign sey God dey give korrect judgement. E wont make una dey good to inherit en kingdom and na bikos of dis kingdom, una dey sofa so.

Hibru 3:13

But make una dey enkourage one anoda evriday, so dat non of una go get bad mind, bikos of sin.

Hibru 3:15

But as dem rite am, “I wish sey una go do wetin e tok, so dat una nor go get strong heart like Israel pipol wen dem dey wildaness.”

Hibru 4:7

But God don plan anoda time wen wi go enter en rest and dat time, “Na today”, bikos E don tok am for en word before thru David.

James 5:3

Yor gold and silva don rust, dia ashes go tok against yu and chop yor flesh like fire. For di last days, yu don gada money and fine tins for yorsef!

Joshua 11:20

bikos God make di towns sturbon, so dat dem go attack Israel. God wont make Israel pipol kill dem anyhow, just as E don kommand Moses.

2 Pita 2:9

If God do all dis tins, den E know how to save en pipol from trobol kon tie wiked pipol keep, so dat E go ponish dem wen E go judge di world.

2 Pita 3:7

Na di same word God take keep dis heaven and eart dey wait for fire wey go kom. E keep dem dey wait Judgement day. Di day wen E go distroy di pipol wey nor dey fear am.

Jude 1:6

And I still dey remind una about di angels wey nor stay for where God put dem, but kon komot for where dem suppose dey. God don shain dem tie for darkness until wen E go judge di world.

Revelashon 2:21

I don gi-am time make e turn from sin kom meet God, but e nor gri stop to sleep with doz wey nor bi en husband.

Revelashon 6:17

Bikos di day to ponish dem, don kom and nobody go survive am.

1 Samuel 6:6

Wetin make una dey sturbon like Egypt pipol and dia king? Wen God ponish dem, dem nor sey make Israel pipol dey go?