Romans 2:13 - Holy Bible Nigerian Pidgin English

¹³ Bikos yu dey hear di law nor mean sey yu good for God eye, but na wen yu do wetin di law tok.

Romans 2:13 ပူးပေါင်းရင်းမြစ်များ

Psalms 143:2

Make Yu nor judge mi yor savant, bikos evribody dey guilty for yor front.

Jeremaya 11:6

God tell mi, “Make yu go Judah town and Jerusalem street kon tell di pipol sey, ‘Make una listin and obey my kommand!’

Ezekiel 20:11

“I give dem my kommand kon tell dem my laws wey dey give life to doz wey obey am.

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

Luke 8:21

Jesus ansa, “My mama and brodas na pipol wey dey hear and obey God word.”

John 13:17

Since una know wetin I dey tok, God go bless una, if una do dem.

Acts 13:39

True am, evribody wey bilive, go dey free from evritin wey Moses Law nor fit free dem from.

Romans 10:5

Na dis raitiousness wey di law tok, naim Moses rite about sey: “Di pesin wey follow di law must do evritin wey di law tok.”

Romans 2:25

Sekonsishon get value only if yu dey do wetin di law tok, but if yu nor dey obey di law, yu and di pesin wey dem neva sekonsaiz na di same.

Romans 3:20

Nobody dey good for God eye, bikos e dey obey di law. But na thru di law, wi take know wetin sin mean.

Romans 3:23

Evribody don sin and wi don fall komot from God glory,

Romans 3:30

Since na only one God dey, E dey for Jew and Gentile pipol, bikos of dia faith.

1 Korintians 4:4

My mind dey klear, but dat nor mean sey I dey innocent. Na only God go fit judge mi.

Galatians 2:16

Wi know sey nobody dey free from God judgement, bikos na so di law tok and pipol go only dey free, if dem get faith for Christ. Since wi don bilive Christ, wi suppose to dey do good thru di faith wey wi get for Christ and nor bi to dey do wetin di law tok and wi nor go dey free from judgement, wen wi do only wetin di law tok.

Galatians 5:4

Pipol wey wont make pipol know sey dem dey good, bikos dem dey keep di law, dem don already fall komot from God grace.

Deutronomi 4:1

Israel pipol, make una listin to di rules and law wey I won tish una naw. Make una obey dis law, so dat una go get betta life kon enter and stay di land wey awa grand-grand papa God promise sey E go give us.

Deutronomi 5:1

Den Moses koll Israel pipol kon sey: “Make una listin well-well to all di law and rules wey I dey give una today, so dat una go learn and obey dem!

Deutronomi 6:3

Make una pay attenshon, Israel pipol, and dey kareful to do dis, so dat una go stay well kon plenty more-more – as God, una papa-papa Oga tell una and una go inherit di land where milk and honey plenty well-well.

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.

1 John 2:29

If una know sey E dey raitious, den una go know sey, doz wey dey do wetin God wont, na en shidren dem bi.

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.