Romans 2:10 - Holy Bible Nigerian Pidgin English

¹⁰ But God go give glory, honor and peace to anybody wey dey do good, weda e bi Jew or Gentile,

Romans 2:10 ပူးပေါင်းရင်းမြစ်များ

Job 22:21

Job! Abeg, go setol with God. Nor dey bihave like sey God na yor enemy. If yu follow am make peace, E go bless yu.

Psalms 15:2

Na doz wey dey live good life and do wetin dey rite; pipol wey dey tok trut with pure heart.

Psalms 29:11

Na God dey give en pipol strent and na en dey bless dem with peace.

Psalms 37:37

So, make yu follow doz wey dey honest and dey do good, bikos doz wey like peace go get betta future.

Proverbs 11:18

Wiked pipol nor get gain for anytin, but reward dey for who dey do di korrect tin.

Proverbs 8:18

I get propaty, honor, betta life and suksess to give pipol wey wont am.

Isaya 26:12

My God! Na Yu make us dey save and dey prosper and even evritin wey wi get, na Yu give us.

Isaya 32:17

and bikos evribody dey do wetin dey rite, peace and sekurity go dey der forever.

Isaya 48:18

If to sey una just gri listin to my kommand, una peace for bi like river and una raitiousness for bi like wave for sea.

Isaya 48:22

Oga God sey, ‘Wiked pipol nor go ever get peace.’ ”

Isaya 55:12

Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Isaya 57:19

I go give peace to evribody, both doz wey dey far and near! I go heal my pipol.

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Nombas 6:26

God go look una with favor kon give una peace.” ’

Matiu 10:13

And if di pipol inside di house welkom una, make una peace stay with dem, but if dem nor welkom una, una peace go kom back to una.

Luke 1:79

so lite go shine for di pipol wey sidan for darkness and where deat dey. Den God go give us peace.”

Luke 12:37

Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 19:42

den e sey, “I wish sey una know wetin go give una peace today! But naw, God don hide am from una.

Luke 22:14

Wen di time rish, Jesus sidan for where dem dey chop and en disciples kon join am.

Luke 9:48

kon tell dem, “Anybody wey welkom dis small pikin bikos of mi, don welkom mi and anybody wey welkom mi, don welkom God wey send mi, bikos di pesin wey small pass among una, na-im big pass for God Kingdom.”

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

Acts 10:35

but for evry tribe, di pesin wey fear am and dey do wetin good, na dat pesin, E dey like.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 2:7

God go give life wey nor dey end to di pipol wey dey do good, wey wont glory, honor and long life.

Romans 2:9

Anybody wey dey do bad tin, weda e bi Jew or Gentile, must sofa and receive ponishment.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 8:6

If wi let sin rule awa mind, wi go die. But if na di Spirit dey rule us, wi go get life and peace.

Romans 9:21

Di man wey mold di pot fit use di klay as e like. E fit use di klay make two pot, one for big party and di oda one for house.

Romans 9:23

E dey do like dis to show en glory wen E pity for pipol wey E choose to show en glory.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Filippians 4:7

Den God peace wey pass wetin human being fit undastand, go guide una heart and mind, inside Christ.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

Hibru 2:7

Aldo yu make angels high pass am small. But yu kon gi-am honor and glory.

James 2:22

Yu nor si sey en faith and work dey togeda and na en work make en faith pafet?

James 3:13

Who get sense among una? Di way di pesin dey bihave go show di gentolness wey wisdom dey bring.

1 Pita 1:7

Dis kind sofa go show sey una faith na really one. Gold wey go spoil one day, dem still dey test am for fire, tok-less of una faith wey get value pass gold and e go bring praiz, glory and honor wen Jesus Christ go kom.

1 Pita 5:4

So wen di big shepad, Jesus Christ go kom, e go give una crown wey en glory nor go ever fade.

1 Samuel 2:30

“So, di Oga wey bi Israel God sey, ‘Aldo I tok sey yor house and yor grand-grand papa house go serve mi forever, but e nor go happen again! Bikos I go honor doz wey honor mi, but doz wey nor gri do wetin I tok, I go curse dem!