Romans 14:9 - Holy Bible Nigerian Pidgin English

⁹ Dis na bikos Christ die and e kom back to life, so dat e go bi Oga God to pipol wey don die and doz wey dey alive.

Romans 14:9 ပူးပေါင်းရင်းမြစ်များ

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Luke 24:26

Dem nor tok sey di Mezaya go must sofa all dis tins and den e go enter en glory?”

John 12:24

I tell una true word, if one korn seed fall for groun and e nor die, e nor go grow, but if e die, e go grow kon bear plenty seed.

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 10:42

E kon kommand us make wi prish and warn pipol sey, na en ensef bi di Pesin wey God choose make e judge pipol wey dey alive and di ones wey don die.

Romans 10:9

But if yu konfess with yor mout sey, “Jesus Christ na Oga God and yu bilive for yor heart sey, God raiz am from grave, yu go dey save.”

2 Korintians 5:14

Bikos na Christ love dey kontrol us since wi know sey, Christ die for evribody; so evribody don die.

1 Tesalonians 4:14

Since wi bilive sey Jesus die and e wake-up; na so too wi bilive sey, doz wey bi Christian before dem die, God go raiz dem up.

1 Tesalonians 5:10

wey die for us, so dat weda wi dey alive or wi don die wen e kom, wi go stay togeda with am for heaven.

2 Timoti 4:1

I dey tell yu wetin to do for God and Jesus Christ present. Wen Christ go appear to make en kingdom stand, e go judge pipol wey dey alive and doz wey don die.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 Pita 4:5

For di day wen Christ go judge pipol wey dey alive and doz wey don die, e go ponish dem.

Revelashon 1:18

di One wey dey alive! I die before, but naw, I dey alive forever and ever. Deat and grave key dey my hand.

Revelashon 2:8

“Make yu rite di tins wey I won tell yu naw, go give di angel for di church wey dey Smyrna: ‘Dis message na from di Pesin wey bi di First and di Last, di One wey die kon kom back to life.