Romans 13:11 - Holy Bible Nigerian Pidgin English

¹¹ Since una know di time wey wi dey naw, make una dey bihave well, bikos di time don rish wen una go wake-up from sleep. Una know sey di day wey God go give us salvashon, don near well-well pass as e bi wen wi first bilive.

Romans 13:11 ပူးပေါင်းရင်းမြစ်များ

Ekklesiastes 9:10

So, anytin wey yu dey do, make yu do am well, bikos wons yu die, yor wisdom, knowledge, work and plans, nor go mean anytin again.

Jonah 1:6

Wen di kaptain for di ship si am, e kon wake and ask am, “How kom yu fit dey sleep for dis kind time? Make yu get up kon pray to yor God make E kom help us. May bi E go sorry for us kon save awa life.”

Matiu 16:3

and for morning, una go sey, ‘Rain go fall bikos di sky red and dark.’ Una sabi use di sky know how weda go bi, but una nor fit know di signs about di time wey God tok for en word.

Luke 21:28

So, wen dis tins dey happen, make una stand and dey ready, bikos una salvashon don near.”

1 Korintians 10:11

Dem rite dis tins wey happen to dem to tish us lesin and na ezample for doz wey go dey wen di world go end.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

Efesians 5:14

Bikos na lite dey make evritin shine kom out and na dis make dem rite sey: “Wake-up; yu wey dey sleep! Make yu raiz from grave and Christ go shine for yor life!”

James 5:8

So, make una get patient too and make una heart strong, bikos di time wen Christ go kom back, don near.

1 Pita 4:7

Di time wen evritin go end don near. So make una dey kontrol unasef and shine una eye wen una dey pray.

2 Pita 3:11

Since evritin go melt like dis, wish kind pipol wi suppose to bi? E good make wi dey live awa life for holiness and dey do wetin God wont.

2 Pita 3:9

Nor bi sey God nor fit do wetin E promise as some pipol dey tink, but E dey patient dey wait for una, bikos E nor wont make anybody die trowey, but E wont make evribody turn from sin kom meet am.

1 John 2:18

My shidren, di world don dey end and just as una hear sey, anti-Christ dey kom, make una know sey many anti-Christ don already kom. And dis show us sey di world go soon end.

Revelashon 1:3

Di pesin wey go read dis profesy give pipol, God go bless am. God go bless doz wey dey listin and do wetin dem rite for di profesy, bikos di time don near.

Revelashon 22:10

Den e tell mi, “Nor klose di words wey dey dis book, bikos di time don near.

Revelashon 22:12

(Si! I go soon kom and my reward dey with mi. I go pay evribody akordin to wetin dem don do!

Revelashon 22:20

Di Pesin wey dey tok dis tins, know sey dis tins na true. Jesus Christ sey, “True-true, I go soon kom!” Amen! Oga God Jesus, make yu kom!