Romans 12:8 - Holy Bible Nigerian Pidgin English

⁸ If wi dey prish, make wi prish well. If wi dey give, make wi do am with betta mind. If wi dey lead odas, make wi do awa best. If wi dey do good to odas, make wi do am with happiness.

Romans 12:8 ပူးပေါင်းရင်းမြစ်များ

Jenesis 18:19

I don choose am, so dat e go kommand en son and shidren-shidren sey make dem obey mi kon do wetin dey good and korrect. If dem obey mi, I go do evritin wey I promise am.”

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Psalms 37:21

Wen wiked pipol borrow sometin, dem nor dey pay back, but doz wey dey fear God dey give tins to pipol with happiness.

Proverbs 22:9

Do good and share yor food with poor pipol, den God go bless yu.

Ekklesiastes 11:6

So, make yu go plant yor seed for morning and nor stop to work until evening; bikos yu nor know di one wey yu do wey go bring gain for yu; weda na dis one, dat one or di two.

Ekklesiastes 9:10

So, anytin wey yu dey do, make yu do am well, bikos wons yu die, yor wisdom, knowledge, work and plans, nor go mean anytin again.

Isaya 32:5

Nobody go sey foolish pipol get sense and doz wey dey deceive odas, nobody go sey dem wise.

Isaya 32:8

But good pesin dey plan to do good tins and na-im karata dey save am.

Isaya 64:5

Yu dey help pipol wey dey do wetin dey rite; pipol wey remember how Yu wont make dem dey live dia life. But wen wi kontinue to dey kommit sin, Yu vex for us. So na how wi wont make Yu take save us?

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Acts 11:23

Wen e rish der kon si how God don bless di pipol, e happy well-well kon enkourage dem sey make dem kontinue to woship God with all dia heart.

Acts 13:12

So wen di Roman offisa si wetin happen, e kon bilive, bikos e sopraiz well-well for wetin dem tish about Jesus Christ.

Acts 13:15

Afta dem don read from di law and di profets book, di oga for di sinagog kon send message go meet dem sey, “Awa brodas, if una get any message to take enkourage di pipol, make una kon tok naw.”

Acts 15:32

But Judas and Silas, wey bi profet, enkourage di pipol and wetin dem tok kon make di pipol heart strong.

Acts 20:2

Afta e waka round di aria, e enkourage di bilivers wey dey der kon go Greece.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Acts 4:36

So Josef wey kom from Levi tribe and wey di apostles dey koll Banabas (wey mean pesin wey dey enkourage pipol) and en home-town na Cyprus,

Romans 12:13

Make una give food to God pipol wey dey hongry and make una dey welkom dem for una house.

Romans 13:6

Una must still pay una tax too. Di rulers na God savants and na dia work to kare for all dis matter.

1 Korintians 12:28

So for di church, God first choose apostles, before profets and tishas. E still choose some wey dey do mirakle, odas wey dey heal sick pipol, some wey bi leaders and odas wey dey tok with difren-difren language.

1 Korintians 14:3

But wen una profesai, pipol go undastand una and odas go help una. Dem go get konfort kon dey okay.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

2 Korintians 11:3

But I dey fear sey, just as di snake deceive Eve with en wayo, una mind fit spoil komot for di true and di way wey una dey follow Christ.

2 Korintians 8:12

Bikos if e really dey una mind to do am, anytin wey una give akordin to wetin una get, God go asept am, but nor bi wetin una nor get.

2 Korintians 9:11

E go make una get enough money for evritin, so dat evritime, una go fit dey give well-well and di pipol wey una give money, go always dey tank God.

2 Korintians 9:13

Bikos of una work, pipol go praiz God, bikos una dey obey Christ word wey una bilive and una dey share evritin wey una get with good mind.

2 Korintians 9:7

Make each of una give as e plan for en mind; nor bi with regret or like sey dem force am, bikos God love pesin wey dey give with happiness.

Efesians 6:5

Una wey bi savant, make una dey obey una masta with fear, respet and with klean mind like sey, na Christ una dey obey.

Deutronomi 15:14

Make una give dem betta gift with happiness from una animal and from una wine. Make una give some of di blessing wey God give una.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

Kolossians 3:22

Una wey bi savants, make una obey una mastas (dey do wetin dem tok) for evritin and nor bi only wen dem dey look una. Make una nor dey do like pipol wey wont make dem praiz dem, but make una dey obey with betta mind, bikos una dey fear God.

1 Tesalonians 2:3

Bikos wetin wi dey prish nor bi with mistake, dirty mind or wayo,

1 Tesalonians 2:8

Bikos wi love una, wi dey happy as wi dey share God word and awa own life with una.

1 Timoti 4:13

Until I kom back, make yu dey read God Word for church, dey enkourage di bilivers and tish dem.

1 Timoti 5:17

Doz wey dey lead well, make dem pay dem well, especially doz wey dey work and tish well-well, so dat di gospel go stand.

1 Timoti 6:18

Tell dem sey, make dem use dia money take do good. Make dem dey do plenty good works kon dey give doz wey nor get and make dem always dey ready to share with odas.

Hibru 10:25

Make wi nor stop to dey meet and fellowship togeda, as some pipol dey do, but make wi enkourage one anoda more-more, since wi know sey, “Di Day wen Christ go kom,” don near.

Hibru 13:17

Make una obey una leaders and do evritin wey dem tok, bikos na dem dey kare for una soul and dem go ansa God wen E ask dem how dem do dia work. Make una let dem do am with happiness, nor bi with komplain, bikos una nor go get any betta tin from am.

Hibru 13:22

My brodas and sistas, I dey beg una, make una get patient and listin to di advise wey dey dis my leta, bikos wetin I rite, nor long.

Hibru 13:24

Make una greet all una leaders and all God pipol. God pipol for Italy dey greet una.

Hibru 13:7

Make una remember una leaders wey tish una God word; make una tink about di kind life wey dem dey live, den make una follow dia faith.