Romans 12:16 - Holy Bible Nigerian Pidgin English

¹⁶ Make una try to bi friend with evribody. Make una nor karry body up kon feel sey una wise pass evribody, instead, make una dey make friend with doz wey nor dey important.

Romans 12:16 ပူးပေါင်းရင်းမြစ်များ

2 Kronikles 30:12

God still help di pipol kom togeda for Judah, bikos dem obey di king and en ofisas kommand.

Job 36:5

True-true, God strong well-well! E nor dey feel sey pesin nor dey yuzful and e nor get anytin wey E nor undastand.

Proverbs 17:5

If yu dey laf poor pipol, den yu dey curse God wey kreate dem, so pesin wey dey happy sey odas fall, God go ponish am.

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Proverbs 19:22

Wetin important pass na to dey loyal. E betta make yu dey poor, den to dey lie waka.

Proverbs 19:7

Man wey nor get money, nor get value for en brodas hand, even en friends dey run from am. Aldo e dey beg dem, but dem nor dey ansa am.

Proverbs 26:12

Pesin wey foolish well-well, betta pass pesin wey tink sey e wise, but e nor get sense.

Proverbs 26:5

Make yu ansa fool akordin to en kweshon, so dat e go know sey e nor wise as e tink, but if yu nor ansa am, yusef go bi fool like am.

Proverbs 3:7

Nor tink sey yu wise pass di way yu bi, but just obey God and nor do bad tins.

Isaya 5:21

Pipol wey tink sey dem wise and get sense, bi like doz wey don die.

Jeremaya 32:39

Di only tin wey I go let dem do for dis life: na to always dey honor mi, bikos na for dem and dia shidren-shidren good.

Jeremaya 45:5

Yu dey find betta tins for yorsef? Make yu nor worry yorsef, bikos I won bring wahala kom dis world. But anywhere wey yu won go, I go let yu go and I go save yu.’ ”

Matiu 11:5

Blind pipol dey si, pipol wey nor fit waka dey waka, God dey cure leper, deaf pipol dey hear, pipol wey don die, dey wake-up and poor pipol dey hear di Good News.

Matiu 26:11

Poor pipol dey with una evritime, but mi, I nor go dey with una always!

Luke 14:13

Instead wen yu dey do big party, make yu invite poor pipol, pipol wey dia leg or hand kut komot, pipol wey nor fit waka and pipol wey nor dey si.

Luke 6:20

Den Jesus look en disciples, tell dem, “Make una happy, una wey dey poor, bikos na una get God Kingdom.

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 11:20

True-true, God break Israel pipol komot from di tree, bikos dem nor bilive am. But una dey where una dey, bikos una get faith. So, make una nor dey boast, instead, make una dey fear wetin God fit do.

Romans 11:25

My friends, I nor won make una dey boast about unasef. So I go tell una wetin happen to Israel pipol. Some among dem sturbon well-well and na so dem go bi until di nomba for Gentile pipol wey God wont, don komplete.

Romans 12:3

By di grace wey God give mi, I dey tell all of una, make una nor tink sey una too dey important. Instead, make una use good sense tink and undastand di faith wey God give una.

Romans 15:5

So, I pray sey, God wey dey give konfort and patient, go help una live for peace with one anoda as una dey follow Jesus Christ,

Romans 6:2

No! Why wi wey don turn from sin go still dey live inside am?

1 Korintians 1:10

My brodas and sistas, I dey beg una with awa Oga God Jesus Christ name sey, make una nor kworel, but make una get one mind for evritin wey una dey do.

1 Korintians 3:18

Make una nor let anybody deceive una. If anybody tink sey e get sense for dis life, make e turn to fool, so dat e go really get sense.

1 Korintians 4:10

Bikos of Christ, pipol dey si us as fools, but God don make us wise. Wi weak and dem hate us, but dem dey respet una wey dey strong.

1 Korintians 6:5

I dey tok like dis, so dat una go shame! So una nor get wise pesin among una wey fit judge between una wey bi Christians?

1 Korintians 8:2

Di man wey tink sey e know sometin, neva still know as e suppose know.

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

Filippians 1:27

Make una life dey show sey una bilive Christ message, so dat weda I kom si una or not, I go dey hear sey una dey strong with one spirit, one mind and dey fight togeda make di gospel for stand.

Filippians 3:16

So, make wi kontinue to follow di rules wey wi dey follow.

Filippians 4:2

I dey beg Euodia and Sintike make dem gri togeda inside Christ.

Hibru 13:5

Make una nor love money and make wetin una get rish una, bikos God sey, “I nor go ever leave or abandon yu.”

1 Pita 3:8

So, make una live for peace togeda, dey sorry for each oda; love one anoda and nor dey karry body up.

1 Pita 5:3

And make una nor dey opress God pipol wey dey under una, instead make una bi ezample to dem.

3 John 1:9

I bin rite leta to di church pipol, but Diotrefes, wey dey karry body up sey na-im bi dia leader, nor gri welkom us.