Romans 11:36 - Holy Bible Nigerian Pidgin English

³⁶ Bikos na God kreate evritin and na thru am evritin dey. Make praiz bi en own forever and ever! Amen.

Romans 11:36 ပူးပေါင်းရင်းမြစ်များ

Psalms 115:1

My God! Nor bi wi get di glory! Nor bi wi, but make all glory bi yor own, bikos of yor faithfulnes and love wey nor dey fail.

Psalms 33:6

Na with di word wey God tok, E take kreate di heavens. E breath en word and all di stars for heaven, appear.

Proverbs 16:4

Evritin wey God kreate get en purpose; but na wahala, wiked pipol go get.

Isaya 42:12

Make di pipol wey dey stay far, give God praiz and glory kon tok as E good rish!

Daniel 4:3

“Di sign dem wey E show us dey great well-well! Even en wonders dey mighty! God kingdom go dey forever and en pawa go last from awa generashon go rish di next one.”

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Matiu 6:13

Nor allow us enter temptashon, but make yu save us from bad tins.’

Luke 19:38

“God don bless di king wey dey kom with en name! Make peace dey for heaven and make all di glory bi God own!”

Luke 2:14

“Na only God get Glory for heaven and eart, make peace and favor dey with evribody.”

Acts 17:28

Bikos na inside am wi dey live, waka, get life and some of una wey dey rite poem tok sey, ‘Wisef na God pikin.’

Romans 16:27

Naw, wi dey praiz di only God wey dey wise forever, bikos of Jesus Christ! Amen.

1 Korintians 11:12

Aldo God make woman from man, but na woman dey born evribody, even doh na God kreate evribody.

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

Galatians 1:5

Make all glory bi en own forever and ever! Amen.

Efesians 3:21

Make all glory for Christ church bi en own from one generashon go rish anoda. Amen!

Filippians 4:20

Make evribody give glory to God awa Papa, forever and ever. Amen.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

2 Timoti 4:18

And Christ go still save mi from evry evil plan until e take mi enter en kingdom. Make glory bi en own forever and ever. Amen!

Hibru 13:21

make E give una evritin wey una nid to do wetin E wont. Anytin wey good for en eye, make E do am inside us thru Jesus Christ. Make all glory bi Jesus Christ own forever and ever. Amen!

Hibru 2:10

Dis na true, bikos na from am and thru am evritin take kom dis life, so dat salvashon go dey korrect thru en sofa and e go karry many pipol enter en glory.

1 Pita 4:11

Pesin wey dey prish; make e prish God word well. Pesin wey dey help odas, make e do am with di pawa wey God gi-am, so dat for evritin, God go get glory thru Jesus Christ. Make all glory and pawa bi Christ own forever and ever. Amen!

1 Pita 5:11

Make all pawa bi God own forever and ever. Amen!

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!

Revelashon 19:1

Afta dis tins, I hear wetin bi like many pipol vois for heaven dey sey: “Halleluya! Make salvashon, glory and pawa bi awa God own,

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Revelashon 7:10

dey shaut sey: “Awa God wey sidan for di throne and di Lamb, na yu get pawa to save pipol!”

Revelashon 7:12

Dem kon dey sey: “Make praiz, glory, wisdom, tanks, honor, authority and pawa bi awa God own forever and ever. Amen!”