Romans 11:29 - Holy Bible Nigerian Pidgin English

²⁹ God nor dey take back wetin e don already give pipol or shange en mind about di pipol wey E don choose.

Romans 11:29 ပူးပေါင်းရင်းမြစ်များ

Hosea 13:14

I nor go save dis pipol from grave or save dem from deat pawa. So deat, make yu bring all yor wahala kom! Yu grave, make yu bring all yor distroshon kom, bikos I nor go pity for dis pipol again.

Malakai 3:6

“Na mi bi God and I nor dey shange. Una wey bi Jakob shidren, na mi make una neva die finish.

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Romans 11:30

As for una wey bi Gentile pipol, una don disobey God before, but naw, God don sorry for una, bikos Jew pipol nor gri obey am.

Romans 8:28

And wi know sey evritin dey work for awa good, bikos wi love God and dey do wetin E wont.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

1 Korintians 1:26

My brodas and sistas, make una remember how God koll una, nor bi bikos una wise, strong or get money well-well.

Efesians 1:18

Una eye don open to undastand di grace wey God koll una kom enter and una don si how di blessing wey E promise en pipol, plenty rish.

Efesians 4:1

Mi wey bi prisona, bikos I dey serve di Oga God; I dey beg una make una dey live una life as God wont.

Efesians 4:4

Na one body and Spirit dey, bikos just as all of una get one hope from God wen E koll una,

Filippians 3:14

and as I put my mind for dis tins, I dey try to get di prize wey bi life for heaven; prize wey make God koll us thru en pikin, Jesus Christ.

2 Tesalonians 1:11

Na dis make us dey always pray for una sey, as God koll una, E go make una dey good and evry good tin wey una wont, go happen to una thru en pawa, so dat una work wey una dey do with faith, go komplete.

2 Timoti 1:9

Bikos God save and koll us to live holy life. E do like dis, nor bi sey wi deserve am bikos of wetin wi do, but na so E plan am even before di world start, so dat wey go know en grace thru Jesus Christ.

Hibru 3:1

My brodas and sistas wey God choose, make una tink about dis Jesus wey God send kom and na-im bi di High Priest wey wi bilive.

Hibru 7:21

but Jesus kon bi priest wen God sey, “I don swear and I nor go shange my mind sey yu go bi priest forever.”

2 Pita 1:10

So my brodas and sistas, make una do evritin to show sey, God koll and choose una. As una dey do so, una nor go ever fall inside sin.