Romans 11:20 - Holy Bible Nigerian Pidgin English

²⁰ True-true, God break Israel pipol komot from di tree, bikos dem nor bilive am. But una dey where una dey, bikos una get faith. So, make una nor dey boast, instead, make una dey fear wetin God fit do.

Romans 11:20 ပူးပေါင်းရင်းမြစ်များ

2 Kronikles 20:20

Di next day for early morning, dem mash go Tekoa Desert. Wen dem don ready to move, Jehoshafat kon stand sey: “Make una listin, una wey bi Judah pipol and doz wey dey stay for Jerusalem! Make una trust di Oga una God and E go save una! Make una trust en profet words and una go win.”

Psalms 138:6

Even doh God dey great, E dey kare for di pipol wey dey honbol demsef, but doz wey dey karry body up, e dey give dem shance.

Proverbs 28:14

If yu always dey obey God, happiness go follow yu, but yu go distroy yor life if yu dey sturbon.

Proverbs 28:26

Pesin wey feel sey na only en know di korrect tin, na big fool, but pesin wey dey waka with wisdom, go dey save.

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Isaya 7:9

Na Samaria bi Israel main town and na King Pekah dey rule am. So if yu nor gri bilive or trust and put yor hope for God hand, den yu nor go fit stand and yu go really die.”

Habakkuk 2:4

Si proud pipol, all wetin dem dey do nor dey good for my eye. But doz wey dey do good, go get long life, bikos dem dey obey my laws.

Zefanaya 3:11

For dat day, una nor go dey shame bikos of all una sturbones against mi. I go distroy doz wey dey boast among una and una nor go ever dey sturbon for my holy hill again.

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

Acts 18:6

Wen dem oppoz and curse am, e shake en dress kon sey, “Make una blood dey una head, bikos I nor do any bad tin and from today go, I go-go prish for Gentile pipol!”

Romans 11:18

So make una nor boast, but make una remember sey, nor bi una dey make di rut stand, but na di rut dey support una.

Romans 11:21

If God nor sorry for Israel pipol wey bi di natural branches, una tink sey E go sorry for una if una sin?

Romans 12:16

Make una try to bi friend with evribody. Make una nor karry body up kon feel sey una wise pass evribody, instead, make una dey make friend with doz wey nor dey important.

Romans 12:3

By di grace wey God give mi, I dey tell all of una, make una nor tink sey una too dey important. Instead, make una use good sense tink and undastand di faith wey God give una.

Romans 3:3

But wot if some for dem nor gri bilive? Dat mean sey God dey lie?

1 Korintians 10:12

So pesin wey tink sey e stand, make e take kare, if not, e go fall.

1 Korintians 15:1

My brodas and sistas, I wont make una remember di gospel wey I prish give una,

1 Korintians 16:13

Make una shine una eye and dey strong for una faith and stand with boldness.

2 Korintians 1:24

Wi nor dey try to force una to bilive us; wi know sey una faith strong well-well. But wi dey work with una so dat una go dey happy well-well.

2 Korintians 10:5

pipol wey dey karry body up; doz wey nor wont make odas know God and as wi dey do like dis, pipol dey obey Christ.

Filippians 2:12

So, my friends wey I love; pipol wey dey always obey mi, (nor bi only wen I dey with una, but una dey obey well-well, even wen I nor dey with una). Make una kontinue to do God work with all una heart, so dat una salvashon go full well-well,

Kolossians 2:7

Make una dey strong for groun and dey grow inside Christ, so dat una faith go strong as wi dey tish una and una go dey tank God well-well.

2 Tesalonians 2:4

E go oppoz and karry ensef pass God and oda tins wey pipol dey woship. E go even sidan for God Temple dey tok sey e bi God.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

Hibru 3:12

Make una make sure sey non of una get bad mind wey go make una nor bilive, so dat una nor go turn against God wey nor dey die.

Hibru 3:19

So for dat time, doz pipol nor enter di land wey God promise dem, bikos dem nor bilive am.

Hibru 4:11

So make wi try well-well, so dat wi go enter dat place where rest dey and non of us go fall like di odas wey nor obey.

Hibru 4:6

God promise sey wi go enter di place where en rest dey, yet doz wey first hear di message, nor enter, bikos dem disobey am.

James 2:19

Yu bilive sey na only one good God dey. Demons bilive so too and fear dey katch dem well-well.

James 4:6

But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

1 Pita 1:17

Since una dey koll God wey dey judge evribody akordin to wetin e do, “Papa”, make una live una life with respet for am.

1 Pita 5:12

I tell my dear broda Silas sey, make e help mi rite dis small leta, so dat una heart go strong and make e tell una sey, all wetin dey happen to una, na as God wont am. So make una stand strong with en pawa.

1 Pita 5:9

Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

Revelashon 18:7

As e karry ensef up, dey enjoy yeye life, na so di sofa and sadnes wey yu go gi-am, go plenty rish, bikos e tok for en mind sey, ‘I dey rule like kween, my husband neva die and I nor go ever si sadnes again!’

Revelashon 3:17

Bikos yu dey sey, “I get plenty money and I nor nid anytin!” But yu nor know sey yor kondishon bad well-well, yu dey sofa; yu poor; blind and naked.