Revelashon 8:12 - Holy Bible Nigerian Pidgin English

¹² Den di fourt angel blow en trumpet and wen dem divide di sun, moon and stars into three, dem fall for one part and di part kon dark. So if dem divide day and nite into three, one part for di day nor get sun again and one part for di nite, moon and star nor kon dey shine again.

Revelashon 8:12 ပူးပေါင်းရင်းမြစ်များ

Isaya 13:10

True-true, all di stars and oda tins wey dey shine, go stop to shine. Di sun go dark as soon as e won kom out and di moon nor go give any lite again.

Isaya 24:23

Di moon go dey dark and sun nor go shine again, bikos Oga God wey dey lead heaven sojas, go rule from Mount Zion for Jerusalem and evribody go si en glory wey big well-well.

Jeremaya 4:23

I look di eart kon si sey e empty and nor get shape; I look di sky and dia lite kon vanish.

Joel 2:10

Di eart and sky dey shake as dem dey kom. Di sun and di moon kon dark wons and stars nor shine again.

Joel 2:31

Di sun go turn to darkness and di moon go turn to blood. All dis tins go happen before di great day wey God don choose, go kom.

Joel 3:15

Di sun and moon don dark and di stars nor dey shine again.

Amos 8:9

For dat day, I go make di sun vanish for aftanoon and darkness go dey di eart for day time.” Oga God don tok.

Matiu 24:29

“Afta di wahala wey go happen for dat time, “Di sun go kon dark and di moon nor go shine; stars go fall from heaven and heaven go dey shake.

Matiu 27:45

E kon happen sey, from twelf go rish three oklok for aftanoon, darkness kon kover di whole land.

Mark 13:24

“But for dat time, afta di sofa, “di sun go dark and di moon nor go shine again.

Mark 15:33

Wen twelf oklok for aftanoon rish, darkness kon kover di kountry until three oklok for aftanoon.

Luke 21:25

“Difren-difren signs go show for sun, moon and star. For inside dis world, pipol for difren kountries go dey worry and fear, bikos of di way rivers go dey move and wota go dey rush from sea enter land.

Acts 2:20

Di sun go black and di moon go red like blood, before di big day wen God tok about, go rish.

2 Korintians 4:4

bikos doz wey nor bilive, di gods for dis time don blind dia mind, so dem nor go si lite wey dey dis gospel wey get glory and dis gospel na Christ wey bi God image.

Revelashon 12:4

If dem divide di sky into three, di dragon tail swip one part komot kon trow dem kom di eart. E stand for di woman front as e won born and e dey wait to kill di pikin wey di woman won born.

Revelashon 16:10

Den di fift angel pour wetin dey en basin put for di beast throne, at wons, darkness kover di beast kingdom and di pain kon dey make dem bite dia tongue.

Revelashon 6:12

Den di Lamb open di sixt key and big eartkweke kon happen. Di sun kon dark like black klot and di moon kon dey red like blood.

Revelashon 9:15

If dem divide di pipol for dis eart into three, dem release di angels wey dem don prepare for dis hour, day, mont and year, sey make dem go kill one part finish.

Revelashon 9:18

If dem divide di pipol for dis eart into three, di diziz wey bi like fire, smoke and sulfur wey dey kom out from dia mout, kill one part finish.