Revelashon 7:9 - Holy Bible Nigerian Pidgin English

⁹ Afta all dis tins, I look up kon si crowd wey nobody fit kount. Dem kom from difren tribe, kountry, group, language and dem stand for di throne and di Lamb front. Dem wear white klot kon whole palm tree branches for hand

Revelashon 7:9 ပူးပေါင်းရင်းမြစ်များ

Jenesis 13:16

And I go make yor shidren-shidren plenty like san-san for di eart and nobody go fit kount dem.

Jenesis 49:10

Di pawa rod nor go komot from Judah and di pawa to take rule, go always dey en leg, until e go rish di pesin wey really get am and evribody go obey yu.

Psalms 2:8

Make yu ask mi, and di pipol wey dey dis world, I go give dem to yu as yor propaty and evriwhere for di world, go bi yor own too.

Psalms 22:27

Di whole eart go know God kon run go meet am. Evribody for di world go bow woship am.

Psalms 76:4

En glory and majesty dey shine as E dey kom from di mountin where E for kill en enemies.

Psalms 77:2

Wen I dey trobol, I look for God. Thru-out di nite, I pray and lift my hand go heaven, but nor-tin fit konfort my soul.

Psalms 98:3

E don remember en promise to love and kare for Israel pipol and di whole eart don si God viktory.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Jeremaya 3:17

Wen dat time rish, pipol go know Jerusalem as ‘God Throne’ and all di nashons go gada kom woship mi for der. Dem nor go do wetin dia sturbon and wiked heart sey make dem do again.

Ezekiel 47:5

E still measure anoda 1,000 and seven hundred and fifty fit, den di wota kon turn river and I nor fit cross am. E too deep to cross escept yu sabi swim.

Daniel 4:1

King Nebukadnezzar send message go meet all di pipol for Babilon sey: “Make e betta for una!

Daniel 6:25

King Darius kom rite give all di pipol, nashon and language wey dey di land sey: “I greet una!

Hosea 1:10

But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Levitikus 23:40

For dat day, una go take some of di good fruit from una tree, palm tree branches wey get leaf well-well kon celebrate to honor God.

Zekaraya 10:8

I go koll and gada my pipol togeda. I go save dem and dem go many pass as dem bi before.

Zekaraya 2:11

For dat time, many nashons go kom meet God and dem go bi en pipol. God go stay with una, den una go know sey na God send mi kom.

Luke 12:1

Plenty pipol gada around Jesus kon dey waka jam one anoda, so Jesus kon tell en disciples, “Make una shine una eye well-well, bikos of di Farisee pipol wey dey pritend.

Luke 21:36

But make una dey shine una eye evritime, dey pray make God give una pawa take pass all dis test wey go happen, so dat una go fit stand for Man Pikin front.”

John 12:13

Di pipol take palm tree leaf go wait am for road. Dem kon bigin shaut, “Hosanna, make God bless di pesin wey E send kom meet us. Make God bless Israel king!”

Romans 11:25

My friends, I nor won make una dey boast about unasef. So I go tell una wetin happen to Israel pipol. Some among dem sturbon well-well and na so dem go bi until di nomba for Gentile pipol wey God wont, don komplete.

Efesians 6:13

Na dis make mi sey, make una wear komplete soja uniform wey God dey give, so dat una go fit stand for groun wen trobol and wahala go kom and wen una don win, una go still stand well.

Hibru 11:12

So from dis one man wey en body don die finish, shidren wey plenty rish stars for sky and san for wotaside kon full evriwhere.

Hibru 12:22

Instead, una don kom Mount Zion; di town where God dey stay; di Jerusalem for heaven where tazon angels dey. Una don enter di assembly,

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 22:3

Anytin wey God don swear for, go vanish. God and di Lamb throne go dey for dat town and en savants go woship am for der forever.

Revelashon 3:18

So I advise yu sey make yu buy gold; gold wey dem don polish with fire. Den yu go get plenty money. Make yu still buy white klot from mi kon wear am, so dat dem nor go si yor nakednes again, den buy medicine put for yor eye, so dat yu go fit si.

Revelashon 4:4

Twenty-four oda thrones dey round di first throne and twenty-four eldas sidan put for di thrones. Dem wear white klot and gold crown dey dia head.

Revelashon 5:11

As I dey look, I kon hear many tazon angels vois as dem stand round di throne; di for creatures and di eldas.

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.

Revelashon 6:11

Den dem give each of dem long white klot kon sey, make una rest small until di oda savants and una brodas for Christ wey wiked pipol go kill, don komplete.

Revelashon 7:8

12,000 from Zebulun tribe, 12,000 from Josef tribe and 12,000 from Benjamin tribe.