Revelashon 7:17 - Holy Bible Nigerian Pidgin English

¹⁷ Bikos di Lamb for di throne, go bi dia Shepad. E go take dem go drink from di river wey dey give life. And evry tears wey dey dia eyes, God go klean am komot.”

Revelashon 7:17 ပူးပေါင်းရင်းမြစ်များ

Psalms 22:26

Make doz wey dem dey opress, si food kon chop beleful. Evribody wey dey fine God, go praiz am and dia heart go dey happy with joy wey nor dey end.

Psalms 23:5

E dey give mi food to chop for my enemies present. E pour oil for my head and my cup kon full dey trowey.

Psalms 28:9

So God, make Yu save yor pipol! Make Yu bless Israel pipol wey bi yor special propaty. Make Yu guide dem like shepad kon karry dem for yor hand forever.

Isaya 12:3

As wota dey make pesin wey dey hongry for wota, happy, na so too I go happy wen God save mi.”

Isaya 25:6

For Mount Zion, God wey dey lead heaven sojas go do big party for all di pipol for di world. For di party, plenty food go dey to chop and wine go dey to drink; betta meat and sweet wine go dey too.

Isaya 25:8

God wey get pawa go distroy and swallow deat forever! Doz wey dey kry, God go klean dia eyes and E go remove di disgrace wey en pipol don sofa for dis world. God, wey dey lead heaven sojas, don tok.

Isaya 30:19

Una go stay for Zion! Jerusalem pipol nor go kry again. Wen God hear as una dey kry with pain, E go kom save and help una. Yes! E go ansa wen una kry for help.

Isaya 30:25

For dat time wen dem kill pipol well-well and di towas don fall, wota go dey flow kom from evry mountin and hill.

Isaya 35:10

Dem go dey happy, dey sing and shaut with joy till dem rish Jerusalem. Dem go dey happy forever and dem go dey free from sorrow and pain.

Isaya 40:11

E go kare for en animals just as shepad dey do. E go gada di lamb togeda kon karry dem for en hand; E go lead and guide dem.

Isaya 49:9

I go tell doz wey dey prison sey, ‘Make una kom out!’ And doz wey dey for darkness, ‘Make una kom enter lite!’ Dem go bi like sheep wey dey chop grass for hill.

Isaya 51:11

Doz wey Yu don save go rish Jerusalem with joy, dem go dey sing and shaut with happiness. Dem go dey happy and dey free from sorrow forever.

Isaya 60:20

Una days of pains don end. Mi wey bi God go bi una lite forever and e go last pass di sun and moon.

Isaya 65:19

Joy go full my heart, bikos of Jerusalem and en pipol. Pipol nor go kry or feel pain for der again.

Jeremaya 2:13

bikos my pipol don kommit two difren sin against mi: dem don leave mi wey bi di spring wey dey give dem fresh wota and dem dig one well for diasef wey nor fit keep and gada wota.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Ezekiel 34:23

“I go give dem king wey bi like my savant David, wey go bi dia shepad and e go kare for dem.

Mikah 5:4

Wen e kom, e go lead di pipol with God strent, pawa and name. Den en pipol go stay for peace, bikos dem go dey honor am for evriwhere for di world.

Mikah 7:14

Naw, my God, make Yu protet yor pipol with yor shepad stik. Make Yu lead yor pipol wey dey special for yor eye. Even doh dem dey stay alone for bush, make yu let dem chop betta food wey dey Bashan and Gilead, just as dem dey do before.

Matiu 2:6

“ ‘Betlehem pipol, una wey small pass for all di pipol wey dey rule Judah, na from among una di pesin wey go lead all my pipol for Israel, go from kom.’ ”

Matiu 5:4

God go bless una wey dey mourn, bikos E go make una happy.

John 10:11

“Na mi bi di good shepad. Di good shepad ready to die for di sheep.

John 10:14

“Na mi bi di good shepad, I know di sheep wey bi my own and dem know mi too.

John 4:10

Jesus ansa am, “If yu know wetin God gift bi and di pesin wey dey ask yu for wota so, yu for ask am and e go give yu di wota wey dey make pesin live forever.”

John 4:11

Di woman ask am, “Oga God, yu nor get bucket and di well deep well-well, where yu go fit get dat kind wota?

John 4:14

But anybody wey go drink from di wota wey I go gi-am, nor go hongry for wota again, bikos di wota wey I go gi-am, go turn to river wey nor dey dry inside en belle and di wota go gi-am life wey nor dey end.”

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

1 Pita 5:2

Make una kare for di sheep wey God give una whole, just as shepad dey kare for dia sheep. Make e nor bi like sey dem force una do am, but na as God wont am. Una nor dey do am bikos of money, but na bikos una won do am.

Revelashon 14:4

Dis ones nor spoil demsef with wimen, bikos dem bi virgin. Na dem dey follow di Lamb wen e dey go anywhere. God save dem as human being, so dat dem go bi di first fruit wey en and di Lamb plok.

Revelashon 21:22

I nor si any temple for di town, bikos Oga God, di one wey get all pawa and di Lamb, na dem bi di temple.

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.

Revelashon 21:4

E go klean evry tears from dia eye and deat nor go dey again. To dey mourn, kry and pain nor go dey again, bikos di tins wey dey before, don vanish.”

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Revelashon 22:1

Den di angel show mi di river wey dey give life. Di river klear like crystal and e dey pour kom from God and di Lamb throne.

Revelashon 4:11

“Awa Oga and God! Yu dey worthy to receive glory, honor and pawa, bikos na yu kreate evritin as yu wont.”

Revelashon 5:6

Den I si one Lamb wey bi like sey dem don kill-am, but e stand for di throne centre with di for creatures and di twenty-four eldas. E get seven horns and seven eyes wey bi God seven spirit, wey E send enter di eart.