Revelashon 7:10 - Holy Bible Nigerian Pidgin English

¹⁰ dey shaut sey: “Awa God wey sidan for di throne and di Lamb, na yu get pawa to save pipol!”

Revelashon 7:10 ပူးပေါင်းရင်းမြစ်များ

Psalms 115:1

My God! Nor bi wi get di glory! Nor bi wi, but make all glory bi yor own, bikos of yor faithfulnes and love wey nor dey fail.

Psalms 3:8

Viktory dey kom from God. So, I dey beg Yu, God sey, make Yu bless yor pipol.

Psalms 37:39

But God go save doz wey dey fear am and na-im go protet dem wen dem dey for trobol.

Isaya 43:11

Yes! Na only mi bi God; di only One wey dey save una.

Isaya 45:15

True-true, na Yu bi Israel God and Savior and Yu bi God wey nor dey show yorsef.

Isaya 45:21

So make una kom tok una kase; make una judge for unasef! Who don fit tok sometin and e happen? Nor bi mi bi God wey dey save pipol? No oda god dey apart from mi wey bi God and wey dey save una.

Jeremaya 3:23

True-true, hills and mountins nor fit help us. But na only Yu wey bi awa Oga God, go fit help wi, yor pipol.

Hosea 13:4

God sey, “Na mi bi di Oga una God wey take una komot from Egypt. Una nor get anoda God apart from mi. Na mi dey save una.

Jonah 2:9

But as for mi, I go sing praiz Yu; I go offa sakrifice give Yu kon do wetin I promise, bikos na only Yu fit save mi!”

Zekaraya 4:7

“Even di strongest mountin nor go fit stand fight Zerubabel, bikos di mountin go turn ordinary groun for en front! And wen Zerubabel don put di final stone for where e suppose dey for di temple, di pipol go shaut, ‘Make God bless am! Make God bless di temple well-well!’ ”

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Luke 3:6

and evribody for dis world go si God salvashon.’ ”

John 1:29

Wen day break, John si Jesus dey waka kom meet am, den John sey, “Make una look! Dis na di Sheep wey God send kom die, so dat God go forgive us awa sins.”

John 1:36

Dem kon dey look Jesus wen e dey waka pass, den John kon sey, “Make una look! Na dat pesin bi God Sheep.”

John 4:22

Una dey serve wetin una nor know, but wi dey serve wetin wi know, bikos na Jew pipol, naim God first koll to ensef.

Efesians 2:8

God save una with en grace, bikos una get faith (as una don bilive Christ), nor bi with una own pawa, but na God give una.

Revelashon 12:10

Den I hear one loud vois for heaven dey sey, “Salvashon; pawa; authority wey Christ get and God kingdom, don kom at last. Bikos di pesin wey dey akuiz awa brodas and sistas evriday, God don trow am kom down.

Revelashon 19:1

Afta dis tins, I hear wetin bi like many pipol vois for heaven dey sey: “Halleluya! Make salvashon, glory and pawa bi awa God own,

Revelashon 21:5

And di Pesin wey sidan for di throne kon sey: “Make yu look! I dey make evritin new!” Den E kon tell mi, “Make yu rite all dis tins, bikos dis word na word wey pipol fit trust and na true.”

Revelashon 22:3

Anytin wey God don swear for, go vanish. God and di Lamb throne go dey for dat town and en savants go woship am for der forever.

Revelashon 4:6

Di throne front dey shine like mirror and e bi like crystal. For centre and around di throne, for creatures wey get eye full body, dey for der too.

Revelashon 5:7

Den e waka go kollect di book from di Pesin wey sidan for di throne.