Revelashon 6:12 - Holy Bible Nigerian Pidgin English

¹² Den di Lamb open di sixt key and big eartkweke kon happen. Di sun kon dark like black klot and di moon kon dey red like blood.

Revelashon 6:12 ပူးပေါင်းရင်းမြစ်များ

Isaya 24:23

Di moon go dey dark and sun nor go shine again, bikos Oga God wey dey lead heaven sojas, go rule from Mount Zion for Jerusalem and evribody go si en glory wey big well-well.

Isaya 29:6

Den God wey dey lead heaven sojas go send en judgement kom with tonda, eartkweke and one loud vois. E go send strong rain and betta fire follow dem too.

Isaya 34:4

All di stars go vanish komot, di sky go disappear like book wey dem klose and di stars go fall like dry leaf wey fall from vine or fig tree.

Isaya 50:3

I fit kover di sky with darkness kon make am wear sak like who dey mourn.”

Joel 2:10

Di eart and sky dey shake as dem dey kom. Di sun and di moon kon dark wons and stars nor shine again.

Joel 3:15

Di sun and moon don dark and di stars nor dey shine again.

Amos 1:1

Na one shepad from Tekoa wey en name bi Amos, tok dis word. Two years before di eart shake kon distroy tins, wen Uzzaya bi king for Judah and Jehoash pikin, Jeroboam dey rule Israel, God kon show Amos dis tins about Israel.

Amos 8:9

For dat day, I go make di sun vanish for aftanoon and darkness go dey di eart for day time.” Oga God don tok.

Zekaraya 14:5

Una go from dis valley go di mountin kon eskape go di oda side. Una go run, just as una grand-grand papa dem do wen groun open for di time wen Uzzaya bi king for Judah. Den all di angels go follow Oga God wen E dey kom.

Matiu 11:21

“E nor go betta for Korazin and Betsaida pipol! If to sey di mirakles wey dem do among una happen for Tyre and Sidon, dem for don turn from dia sin kom meet God, kon karry ashes put for head and wear tear-tear klot,

Matiu 24:29

“Afta di wahala wey go happen for dat time, “Di sun go kon dark and di moon nor go shine; stars go fall from heaven and heaven go dey shake.

Matiu 24:7

One kountry go fight with anoda kountry and one kingdom go fight with anoda kingdom. Honga go dey evriwhere and eartkweke go happen for difren place.

Matiu 27:45

E kon happen sey, from twelf go rish three oklok for aftanoon, darkness kon kover di whole land.

Matiu 27:54

Wen di sojas oga and di pipol wey dey guide Jesus Christ si di eartkweke and wetin happen, dem fear well-well kon sey, “True-true dis man na God Pikin.”

Matiu 28:2

At wons, strong eartkweke happen, bikos God angel kom down from heaven, roll di stone komot kon sidan on-top am.

Mark 15:33

Wen twelf oklok for aftanoon rish, darkness kon kover di kountry until three oklok for aftanoon.

Revelashon 11:13

For dat same time, betta eartkweke go happen and if dem divide di town into ten, one part go distroy finish. 7,000 pipol go die for di eartkweke and evry oda pesin go fear kon bigin tank God wey dey heaven.

Revelashon 16:18

Den tonda lite, like lion vois kon dey make nois and strong eartkweke kon happen. Dis kind eartkweke neva happen since wen God kreate di world.

Revelashon 16:8

Den di fourt angel pour wetin dey en basin put for di sun and di sun kon dey shine with heat wey bi like fire,

Revelashon 8:12

Den di fourt angel blow en trumpet and wen dem divide di sun, moon and stars into three, dem fall for one part and di part kon dark. So if dem divide day and nite into three, one part for di day nor get sun again and one part for di nite, moon and star nor kon dey shine again.

Revelashon 8:5

Di angel take di basin wey dem dey burn incense put kon pak fire full am from di altar, den e trow am kom di eart and tonda with strong lite and heavy eartkweke kon happen.