Revelashon 4:7 - Holy Bible Nigerian Pidgin English

⁷ Di first one bi like lion, di sekond one bi like melu, di third one get human being face and di fourt one bi like eagle.

Revelashon 4:7 ပူးပေါင်းရင်းမြစ်များ

Jenesis 49:9

Judah my pikin, yu bi yong lion wey just chop wetin e kill finish. Yu dey kill like lion kon kwayet dey look; yu bi like woman lion, na who go fit fight am?

2 Samuel 1:23

I love Saul and Jonatan well-well. Deat nor go fit separate dem. Dem fast pass eagle and strong pass lion.

Proverbs 28:2

Wen pipol dey always sin, dia kountry go get many leaders, but pesin wey get sense and dey undastand tins well, dey bring peace.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Ezekiel 1:10

Dis na how dia face bi like: Human being face for front, lion face for di rite side, melu face for di left side and eagle face for back.

Ezekiel 1:8

Under dia feadas for di four side, dem get human being hand. All of dem get four face and four feadas

Ezekiel 10:14

Each creature get four face. Di first one face na, angel own, di sekond one, na human being own, di third one, na lion own and di fourt one, na eagle own.

Ezekiel 10:21

Each of dem get four face, four feada and sometin wey bi like human being hand, dey under dia feada.

Daniel 7:4

“Di first one bi like lion wey get eagle feada. As I dey look am, dem remove di feadas kon karry am komot groun. Dem make am stand with two leg like human being kon gi-am human being mind.

Obadaya 1:4

But even if una fly like eagle or build una house among di stars, I go bring una kom down!” Na so mi, God, tok.

Nombas 23:24

Israel pipol go bi like strong lion wey nor dey rest until e don distroy en enemies kon drink di blood of di pesin wey e kill.”

Nombas 24:9

Di nashon bi like strong lion; wen e dey sleep, nobody fit wake am. Anybody wey bless Israel pipol, go dey bless and anybody wey curse Israel pipol, curse go follow am.’ ”

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

Deutronomi 28:49

God go bring some pipol from far against una and dem go kill una like vulture. And dem bi pipol wey una nor go undastand wetin dem dey tok;

Revelashon 4:6

Di throne front dey shine like mirror and e bi like crystal. For centre and around di throne, for creatures wey get eye full body, dey for der too.

Revelashon 6:3

Wen di Lamb open di sekond key, I kon hear di sekond creature dey sey, “Make yu kom!”

Revelashon 6:5

Den wen di Lamb open di third one, I hear di third creature dey sey, “Make yu kom!” So I look and I si one black horse dey kom! Di pesin wey dey ride am hold ruler for en hand.

Revelashon 6:7

Wen di Lamb open di fourt key, I hear di fourt creature dey sey, “Make yu kom!”