Revelashon 3:19 - Holy Bible Nigerian Pidgin English

¹⁹ I dey korrect and ponish anybody wey I love. So make yu dey sirious kon turn from sin kom meet God!

Revelashon 3:19 ပူးပေါင်းရင်းမြစ်များ

2 Samuel 7:14

I go bi en papa and e go bi my pikin. Wen e do wrong, I go ponish am as papa dey ponish pikin.

Job 5:17

Na blessing dey follow di man wey God korrect! So make yu nor komplain wen God dey ponish yu for yor sins.

Psalms 39:11

Wen Yu ponish us for awa sins, Yu dey remove awa pawa like rat wey dey chop pesin food. But each of us, na just breeze wey dey blow pass.

Psalms 6:1

My God, make Yu nor drive mi, bikos Yu dey vex. Nor ponish mi with yor vexnashon.

Psalms 69:9

True-true, di love wey I get for yor house dey shark mi; so I dey bear di curse wey dem dey curse mi.

Psalms 94:10

If E fit ponish wiked nashons, una tink sey E nor go ponish una? E know evritin, so make una nor tink sey E nor know wetin una dey do.

Proverbs 15:10

Anybody wey nor gri do wetin dey rite, go sofa well-well and anybody wey nor like korreshon, go die.

Proverbs 15:32

If yu nor like korreshon, na yorsef yu dey do; but if yu listin to korreshon, yu go always dey undastand.

Proverbs 22:15

Shidren nor dey know sey di way dem dey bihave nor good, but betta korreshon go tish dem how to bihave well.

Isaya 26:16

God, wen wi dey pass thru pain, wi kry, pray and look for Yu, bikos of di way Yu dey ponish us.

Jeremaya 10:24

Abeg God, make Yu korrect wi wey bi yor pipol. Make Yu nor ponish us bikos Yu dey vex, if not, all of us go die finish.

Jeremaya 2:30

“Even as I ponish una shidren rish, dem nor gri shange or listin as I dey korrect dem. Just as lion dey kill en enemy, na so too una don kill una profets finish.”

Jeremaya 30:11

I go save and dey with una. I go distroy all di nashons where I skata una go, but I nor go distroy una finish. I go ponish una, but I go do am small-small. Yes! I nor go let una go without ponishment. Mi, wey bi God, don tok.”

Jeremaya 31:18

I hear Israel pipol dey tok with pain sey, “Oga God! Wi bi like animal wey dem nor train, but Yu don tish us to dey obey. So make Yu bring us kom back, bikos wi dey ready to kom meet Yu di Oga wey bi awa God.

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Zefanaya 3:2

Nobody fit tell am anytin, bikos e nor dey gri make dem korrect am. E nor trust God at-all and e nor dey listin to am.

Matiu 25:7

“So all di virgins wake-up, kon inkrease dia lite.

John 2:17

Den en disciples kon remember as den rite for Psalms Book sey, “Di love wey e get for en Papa house dey burn for en heart like fire.”

Romans 12:11

Make una nor taya, but with di Holy Spirit help, make una serve God with betta mind.

1 Korintians 11:32

But wen God judge and ponish us, E dey do am, so dat E nor go kondemn us with dis world.

2 Korintians 6:9

Dat time, e bi like sey nobody know us, but evribody know us; e bi like sey wi don die, but wi dey alive; wi still dey alive like pipol wey dem dey ponish, but dem nor fit kill us;

2 Korintians 7:11

Naw, make una si wetin dis vexnashon wey God plan don do for una: Si how una work for God bi naw; si how una won show sey una hand klean; si as una dey vex bikos of di bad tin wey happen; si how una dey sopraiz; si as una dey won si and worry about us; si how una ready to ponish anybody wey do bad! For evritin, una don show sey una hand klean for dis matter.

Galatians 4:18

But e good make una dey trit odas well, so-far una dey do am with betta mind and nor bi only wen I dey with una.

Deutronomi 8:5

Make una tink am well. Just as papa and mama dey ponish dia pikin, na so too di Oga una God ponish una for una own good.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

Revelashon 2:5

So, make yu remember where yu from fall and turn from sin kom meet God, den bigin do di tins wey yu first dey do. If yu nor gri turn from sin kom meet God, I go remove yor lampstand from where e dey.