Revelashon 3:14 - Holy Bible Nigerian Pidgin English

¹⁴ “Make yu rite di tins wey I won tell yu naw, go give di angel for di church wey dey Laodicea: ‘Dis message na from di Pesin wey bi di Amen; di witness wey dey obey God kommandment since E kreate di world.

Revelashon 3:14 ပူးပေါင်းရင်းမြစ်များ

Jenesis 49:3

Reuben, na yu I first-born, my strent and di first fruit wey I plok. Na yu bi di nomba one, both for rank and pawa.

Proverbs 14:5

Good witness nor dey lie, but na lie-lie, wiked pipol dey tok.

Proverbs 8:22

From biginnin, na mi God first kreate, before E kreate evry oda tin.

Isaya 55:4

I make am leader and kommander for many nashons and I show dem my pawa thru am.

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

Jeremaya 42:5

Den dem tell mi, “Make God wey dey tok true and dey faithful, bi awa witness if wi nor do wetin E sey make yu tell us.

John 1:3

Na God make evritin and if to sey E nor make dem, dem nor for dey dis world at-all.

John 8:14

Jesus ansa dem, “Even if I dey tok about mysef, wetin I dey tok na true, bikos I know where I from kom and where I dey go. But una nor know where I from kom or where I dey go.

2 Korintians 1:20

And evritin wey God promise us, na “Yes” thru Jesus Christ. Dat na why awa “Amen” thru Jesus Christ dey give God glory.

Deutronomi 21:17

E must give di first pikin wetin bi en own, even doh e nor love di mama. E must gi-am times two of wetin e give di sekond pikin, bikos na di first son bi en papa pawa and honor.

Kolossians 1:15

God wey wi nor dey si, na Jesus bi en image and for evritin wey E kreate, na Jesus bi di first.

Kolossians 1:18

Na-im bi head for di body wey bi di church and from di biginnin, na-im bi di first-born wey raiz-up from grave, so dat e go bi nomba one for evritin.

Kolossians 2:1

Pipol for Laodicea and doz wey neva si mi face-to-face, I wont make una know how I dey work for una rish.

Kolossians 4:16

And afta una don read dis leta, make una let di pipol for di church wey dey Laodicea, read am too. Den make una still read di leta wey I rite give dem.

Revelashon 1:11

“Make yu rite evritin wey yu dey si inside dis book, den send dem go meet di pipol wey dey di seven church wey dey for Efesus, Smyrna, Pergamum, Tiatira, Sardis, Filadelfia and Laodicea.”

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;

Revelashon 19:11

Den I si heaven open and one white horse dey kom out! Dem dey koll di Pesin wey dey ride di horse, “Faithfulnes and Trut.” E dey judge without parsha or wayo even as E dey go fight war.

Revelashon 2:1

“Make yu rite di tins wey I won tell yu naw, go give di angel for di church wey dey Efesus: ‘Di Pesin wey whole di seven stars for en rite hand and dey waka round di seven lampstand, dey tell di pipol for di church sey:

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Revelashon 22:13

Na mi bi di Alfa and Omega, di First and di Last, di Startin and di Ending!)

Revelashon 22:6

Den di angel tell mi, “Pipol fit trust dis word bikos na true. God wey bi di profets spirit Oga God, don send en angels kon show en savants wetin go soon happen.”

Revelashon 3:7

“Make yu rite di tins wey I won tell yu naw, go give di angel for di church wey dey Filadelfia: ‘Di Pesin wey dey holy and true, wey whole David key; wen dis pesin open door, nobody go fit klose am and wen e klose door, nobody go fit open am.