Revelashon 22:18 - Holy Bible Nigerian Pidgin English

¹⁸ I dey warn evribody wey dey read di profesy wey dem rite for dis book: If anybody add join wetin dey dis book, di wahala wey dey dis book, God go add am join en life.

Revelashon 22:18 ပူးပေါင်းရင်းမြစ်များ

Proverbs 30:6

Make yu nor add join God word, if not, E go curse and koll yu lie-lie pesin.

Levitikus 26:18

“If afta all dis tins happen and una nor still obey mi, I go inkrease una ponishment seven times.

Levitikus 26:28

I go turn against una. Bikos I dey vex, di ponishment wey I go give una go bad seven times pass di ones wey I give una before.

Levitikus 26:37

Una go dey shake as if pesin dey porshu una and una nor go fit fight with una enemies.

Matiu 15:13

Jesus ansa, “Any plant wey my Papa for heaven nor plant, dem go rut am trowey.

Efesians 4:17

So, I dey use Christ pawa take tell una dis tins sey, make una nor live una life like Gentile pipol wey dey tink only bad and tins wey nor get sense.

Deutronomi 12:32

So all dis kommand wey I dey give una so, make una obey dem with kare. Make una nor add join or remove from dem.

Deutronomi 4:2

Make una nor add join or remove from dis kommand wey I dey give una. Make una just obey di Oga una God kommand wey I dey give una.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

Revelashon 1:3

Di pesin wey go read dis profesy give pipol, God go bless am. God go bless doz wey dey listin and do wetin dem rite for di profesy, bikos di time don near.

Revelashon 15:1

Den I si anoda big sign for heaven wey nobody go fit undastand: seven angels whole di seven last wahala and na dis ones go komplete God vexnashon.

Revelashon 15:6

Den di seven angels wey whole di seven last wahala kon kom out from di temple and dem wear klean klot wey dey shine well-well, kon tie gold belt for dia chest.

Revelashon 19:20

So dem seize di beast and di fake profets wey dey help am do mirakles to deceive pipol wey kollect di beast mark and woship en image. Den dem trow dem two inside di fire wey sulfur dey and di fire burn dem alive.

Revelashon 20:10

Den, dem go trow di devil wey deceive pipol inside God fire. Den di beast and en fake profets go sofa both day and nite forever and ever.

Revelashon 20:15

Anybody wey dem nor si en name inside di Life Book, dem go trowey am inside di big fire.

Revelashon 22:10

Den e tell mi, “Nor klose di words wey dey dis book, bikos di time don near.

Revelashon 22:16

“Mi, wey bi Christ, I don send my angel make e kom tell di pipol for di church di trut about dis tins. I kom from David family and na mi bi di brite Star wey dey shine for morning!”

Revelashon 22:7

(Si! I go soon kom! God don bless di pesin wey go obey di profesy wey dey dis book.)

Revelashon 22:9

But e tell mi, “Nor do like dat! I bi savant like yu, like yor brodas di profets and doz wey go obey di words wey dey dis book. So make wi woship only God!”

Revelashon 3:14

“Make yu rite di tins wey I won tell yu naw, go give di angel for di church wey dey Laodicea: ‘Dis message na from di Pesin wey bi di Amen; di witness wey dey obey God kommandment since E kreate di world.