Revelashon 20:6 - Holy Bible Nigerian Pidgin English

⁶ God don bless di holy pipol wey join for di first resureshon! And dis pipol nor go die again, but dem go bi God and Christ priests and dem go rule with am for 1,000 years.

Revelashon 20:6 ပူးပေါင်းရင်းမြစ်များ

Isaya 4:3

Den doz wey God save wey go remain for Jerusalem, pipol go koll dem, “holy pipol.”

Isaya 61:6

Dem go know una as God priests wey bi en savant. Una go enjoy di nashon propaty. Den una go dey proud sey na una own.

Daniel 12:12

Pipol wey dey faithful until di 1,000 three hundred and thirty-five days don end, go dey happy!

Luke 14:15

Wen one of di pipol for di party hear wetin Jesus tok, e kon tell Jesus, “God don bless evribody wey go chop for di party for en kingdom!”

Romans 12:1

My brodas and sistas, God dey good. So Abeg, as una dey alive, make una dey offa una body gi-am as sakrifice. Make una dey do wetin E tok and wetin go make belle sweet am. Na dis bi di best way to serve God.

Romans 8:17

And if wi bi God shidren, den wi go inherit God propaty. Yes, wi go follow Christ inherit God propaty, bikos if really wi sofa with am, wi go follow am enjoy.

2 Timoti 2:12

If wi bear with am, den wi go reign with am too and if wi sey wi nor know am, en too go sey, e nor know us.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.

Revelashon 1:6

di one wey give us betta kingdom kon make us priest wey go dey serve God wey bi en Papa, make glory and pawa bi en own forever and ever! Amen.

Revelashon 14:13

Den I hear one vois from heaven dey sey, “Make yu rite dis tins: “God don bless pipol wey bilive and obey Christ before dem die!” Di Spirit sey, “Blessing go really follow dis pipol and dem go rest from dia hard work, bikos of di good wey dem do.”

Revelashon 2:11

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, di sekond deat nor go kill-am.’ ”

Revelashon 20:14

Den dem trow deat and grave inside di fire. Dis fire na di sekond deat.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

Revelashon 22:5

Nite nor go dey again and dem nor nid lantan or sun lite, bikos God go bi dia lite and dem go rule forever and ever with am.

Revelashon 22:7

(Si! I go soon kom! God don bless di pesin wey go obey di profesy wey dey dis book.)

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.

Revelashon 5:10

Yu don choose dem as kings and priests wey go serve God and dem go rule for di eart.”