Revelashon 20:4 - Holy Bible Nigerian Pidgin English

⁴ Den I si thrones and pipol wey God don give authority to judge, sidan on-top di thrones. Doz wey dem kut dia head komot bikos of di trut about Christ and God word, I still si dem too. Dis ones nor woship di beast or en image and dem nor gri make dem put en mark for dia fore head or hand. Dis pipol raiz-up kom life kon rule with Christ for 1,000 years.

Revelashon 20:4 ပူးပေါင်းရင်းမြစ်များ

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Daniel 7:18

And di pipol wey dey serve di Most High God go get royal pawa wey go dey forever and ever.’

Daniel 7:22

until God wey dey live forever kon judge and favor all en holy shidren. Den di time kom rish for God to take-ova di kingdom.

Daniel 7:27

Di pawa and great tins wey di world get, God kom gi-am to pipol wey dey serve am. Dia royal pawa nor go ever end and rulers go serve and respet dem.’

Daniel 7:9

“As I still dey look, dem kom set throne and Oga God wey nor dey die kon sidan put. En klot dey white like snow and en hair bi like lamb skin. En throne dey bring fire like sey di wheel dey burn.

Malakai 4:5

Make una si, I go send Profet Elijah kom meet una, before God Judgement Day go kom.

Matiu 19:28

Jesus ansa am, “I tell yu true word, for dat time wen evritin go dey new, Man Pikin go sidan for en throne wey get glory and una wey dey follow mi, go sidan for twelf thrones, dey judge di twelf tribes wey dey Israel.

Matiu 24:10

Many pipol nor go gri follow mi again and dem go dey lie and hate each oda.

Mark 6:16

But wen Herod hear am, e sey, “John wey I sey make dem kut en head komot, don wake-up from deat!”

Mark 6:27

So di king send di soja wey dey kill criminals, make e go bring John head kom. So di man go inside di prison, go kut John head komot.

Mark 9:11

Dem ask Jesus, “Wetin make di law tishas dey sey Elijah go first kom?”

Luke 1:17

E go first kom with Elijah spirit and pawa, before di Oga God ensef go kom. E go make papa setol with dia shidren and pipol wey nor dey obey God before, e go make dem obey am naw, so dat dem go dey ready to meet am for heaven.”

Luke 14:14

Den, God go bless yu, bikos dem nor go fit pay yu back, but na God go pay yu wen E go raiz en pipol from deat; di pipol wey do wetin E like.”

Luke 22:30

For my kingdom, una go sidan chop and drink for my tabol and una go sidan for difren thrones dey judge di twelf tribes for Israel.

John 14:19

Afta sometaim, di pipol for dis world nor go si mi, but una go si mi and bikos I dey alive, una go dey alive too.

Romans 11:15

Bikos wen God rijet Israel pipol, di whole world kon get salvashon. Na how e go kon bi, wen God asept dem back? E go give life to pipol wey won die.

Romans 8:17

And if wi bi God shidren, den wi go inherit God propaty. Yes, wi go follow Christ inherit God propaty, bikos if really wi sofa with am, wi go follow am enjoy.

2 Timoti 2:12

If wi bear with am, den wi go reign with am too and if wi sey wi nor know am, en too go sey, e nor know us.

Revelashon 1:2

and John bear witness for evritin wey e si. Dis na wetin John tok koncerning God word and about Jesus Christ.

Revelashon 1:9

Mi John, I bi una broda and I dey follow una share from di trobol bikos of di kingdom and dey bear di sofa wey dey inside Jesus. Dem porshu mi go Patmos Island, bikos I dey prish God word and tok about Jesus Christ.

Revelashon 11:11

Afta di three and half days, God go breath life enter dia body and dem go wake-up! Fear go katch all doz wey dey look dem.

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 11:3

I go give my two witness authority to profesai for 1,260 days and na sak klot dem go wear.

Revelashon 11:7

And wen dem don tok finish, di beast wey kom out from di pit go follow dem fight kon win and kill dem.

Revelashon 12:11

God pipol don win Satan with di Lamb blood and with di word wey dem tok about Christ. Dem nor too kare for dia life, so dem even dey ready to die.

Revelashon 14:11

Di smoke from dis sofa go dey go up forever and ever. Doz wey dey woship di beast, en image and doz wey kollect di mark, nor go rest for day or nite.”

Revelashon 15:2

I kon si anoda tin wey bi like river wey dem mix with fire and I still si di pipol wey konker di beast, en image and di nomba for en name. Dem stand near di river kon whole harp wey God give dem.

Revelashon 17:8

Di beast wey yu si, dey before, but e nor dey again and e go soon raiz kom from di pit kon start to distroy. Den doz pipol for eart wey dia name nor dey for di Life Book, go fear di beast.

Revelashon 2:26

Anybody wey fit bear and obey mi rish di end, I go gi-am authority ova all di nashons.

Revelashon 20:6

God don bless di holy pipol wey join for di first resureshon! And dis pipol nor go die again, but dem go bi God and Christ priests and dem go rule with am for 1,000 years.

Revelashon 22:5

Nite nor go dey again and dem nor nid lantan or sun lite, bikos God go bi dia lite and dem go rule forever and ever with am.

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.

Revelashon 4:4

Twenty-four oda thrones dey round di first throne and twenty-four eldas sidan put for di thrones. Dem wear white klot and gold crown dey dia head.

Revelashon 6:9

Wen di Lamb open di fift key, pipol wey dem don kill bikos of God word and wetin dem dey tok about Christ, I si dia soul for under di altar.

Revelashon 7:3

“Make una wait! Make una nor ponish di land, sea or di trees, until wi don put God mark for en savants fore head.”