Revelashon 2:7 - Holy Bible Nigerian Pidgin English

⁷ Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go allow am chop from di tree for God Paradise and dis tree dey give life.’ ”

Revelashon 2:7 ပူးပေါင်းရင်းမြစ်များ

Jenesis 2:9

God kon make difren trees make dem grow for di soil and dem dey good for food. (Naw, di tree wey get life, wey dey make pesin know tins well-well; wey dey good and bad, dey for di gardin centre.)

Proverbs 11:30

Raitious pipol fruit bi like tree wey dey give life, but pesin wey dey prish give odas to turn kom meet God, get sense.

Proverbs 13:12

Wen wetin pesin hope for nor kwik rish en hand, di heart go sick, but dream wey kom to pass, bi like tree wey dey give life.

Proverbs 15:4

Gentol word na tree wey dey give life, but lie-lie tongue dey make di spirit weak.

Proverbs 3:18

Wisdom na tree wey dey give life and e dey make pipol wey kom meet am, happy.

Ezekiel 28:13

Yu dey stay for Eden, God gardin. Dem kover yu with fine stones like rubis, diamonds, topaz, beryl, karnelian, jasper, safayas, emeralds and turkwoise. Na gold dem take make evritin about yu and dem make all dis tins for yu for di day wey God kreate yu.

Ezekiel 31:8

No cedar or tree for God gardin fine rish am. No tree don ever get en kind branches before.

Matiu 11:15

Anybody wey get ear, make e hear!

Matiu 13:43

Den, God pipol go shine like sun inside dia Papa Kingdom. Anybody wey get ear, make e hear!

Matiu 13:9

Anybody wey get ear, make e hear!”

Mark 4:9

Jesus kon sey, “Anybody wey get ear, make e hear wetin I dey tok!”

Mark 7:15

Nor bi wetin enter inside pesin body go make am dirty for God eye, instead na wetin kom out from en mout, dey make am dirty.

Mark 7:16

Anybody wey get ear, make e hear wetin I dey tok.”

Luke 23:43

Jesus ansa am, “I tell yu di trut, today yu go dey with mi for paradise.”

Luke 8:8

But di ones wey fall for betta groun, grow kon bear pass hundred seed.” Den Jesus sey, “Anybody wey get ear, make e hear!”

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

1 Korintians 2:10

God show us dis tins thru en Spirit, bikos di Spirit dey find evritin; even di deep tins wey dey God mind.

2 Korintians 12:4

God karry am go paradise and e hear tins wey dey too holy to tok; tins wey God nor give human being pawa to tok.

1 John 2:13

I dey rite give una wey bi papa, bikos una know di pesin wey dey alive since God kreate di world. I dey rite give una wey bi yong pipol, bikos una don win Satan.

Revelashon 13:9

If anybody get ear, make e hear!

Revelashon 14:13

Den I hear one vois from heaven dey sey, “Make yu rite dis tins: “God don bless pipol wey bilive and obey Christ before dem die!” Di Spirit sey, “Blessing go really follow dis pipol and dem go rest from dia hard work, bikos of di good wey dem do.”

Revelashon 15:2

I kon si anoda tin wey bi like river wey dem mix with fire and I still si di pipol wey konker di beast, en image and di nomba for en name. Dem stand near di river kon whole harp wey God give dem.

Revelashon 2:11

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, di sekond deat nor go kill-am.’ ”

Revelashon 2:17

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go gi-am some manna wey dem hide for heaven. I go gi-am white stone and for dat stone, dem go rite new name put and nobody go fit undastand am, escept di pesin wey I give di stone.’ ”

Revelashon 21:7

Di pesin wey win, go inherit dis tins. I go bi en God and e go bi my pikin.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.

Revelashon 22:17

Di Spirit and di Bride sey, “Kom!” Make di pesin wey hear sey, “Kom!” And anybody wey wota dey hongry, make e kom; di pesin wey wont di wota wey dey give life, make e drink from am free of sharge.

Revelashon 22:2

E dey rush pass di town main road. For each side for di river, di tree wey dey give life dey bear twelf fruit and e dey bear one evry mont. Di leaf for di tree na to heal evry nashon for di world.