Revelashon 2:17 - Holy Bible Nigerian Pidgin English

¹⁷ Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go gi-am some manna wey dem hide for heaven. I go gi-am white stone and for dat stone, dem go rite new name put and nobody go fit undastand am, escept di pesin wey I give di stone.’ ”

Revelashon 2:17 ပူးပေါင်းရင်းမြစ်များ

Psalms 25:14

God na friend to doz wey dey fear am and E dey tish dem en kovenant.

Psalms 36:8

Yu dey feed dem from di plenty food wey Yu get for yor own house kon let dem drink from yor wota wey dey give life,

Exodus 16:33

Moses kon tell Aaron, “Make yu measure one omer for manna with one kontaina, den put am for where Oga God Spirit dey, so dat E go take am dey remember di generashon wey dey kom for back.”

Proverbs 14:10

As yu dey happy wen good tin happen to yu, na so too e go bi wen pain kom. Nobody go fit share dem with yu.

Proverbs 3:32

bikos God hate pipol wey dey do evil, but E dey draw raitious pipol near body.

Isaya 56:4

God dey tell dat kind man sey, “If yu honor and keep di Sabat Day; kon do wetin I wont and keep my kovenant,

Isaya 56:5

I go remember una name for my temple and among my pipol and dat one betta pass any shidren wey una go fit get and una name go dey forever.”

Isaya 62:2

Jerusalem pipol! Nashons go si una viktory! Dia kings go si una glory. Dem go koll una with di new name wey God ensef give una.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Isaya 65:15

Di pipol wey I choose go use una name as curse. Mi, God wey bi king, go kill una. But I go give new name to pipol wey obey mi.

Matiu 13:11

Jesus ansa dem, “God don make una know all di sekret tins about en kingdom, but dis pipol nor know.

Mark 7:16

Anybody wey get ear, make e hear wetin I dey tok.”

John 4:32

But e tell dem, “I get food wey I go chop wey una nor know about.”

1 Korintians 2:14

So, na only who get God Spirit fit undastand spiritual blessings. Pesin wey nor get God Spirit, nor go fit undastand wetin di Spirit dey tok.

Kolossians 3:3

bikos una don die and una life dey save with Christ for inside God.

Revelashon 14:3

Dem kon dey sing new song for di throne, di for creatures and di eldas front. Nobody fit learn di song, escept di 144,000 pipol wey God save from dis eart.

Revelashon 19:16

For en klot and lap, wetin dem rite put na: “King and Oga God wey big pass.”

Revelashon 2:11

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, di sekond deat nor go kill-am.’ ”

Revelashon 2:7

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go allow am chop from di tree for God Paradise and dis tree dey give life.’ ”

Revelashon 3:22

Pesin wey get ear, make e hear wetin di Spirit dey tell di pipol for di church.’ ”

Revelashon 3:6

Pesin wey get ear, make e hear wetin di Spirit dey tell di pipol for di church.’ ”