Revelashon 2:13 - Holy Bible Nigerian Pidgin English

¹³ I know sey yu dey stay for where Satan throne dey. But yu still whole my name strong well-well and yu nor deny mi even wen dem kill my savant Antipas for where Satan dey stay.

Revelashon 2:13 ပူးပေါင်းရင်းမြစ်များ

Matiu 10:23

Anytime dem sofa una for one town bikos of mi, make una run go anoda town. I tell una true word, una nor go run pass all di town for Israel, before Man Pikin go kom back.

Matiu 24:9

“Dem go karry una wey bi my disciples give pipol wey go sofa and kill una. Bikos of mi, pipol for difren town wey nor know God, go hate una.

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Luke 21:17

Evribody go hate una bikos of my name.

Acts 22:20

And wen dem kill yor savant Stefen, I stand der support dem kon keep dia koat for dem.’

Acts 9:14

E even kollect leta from di priest oga dem, wey e go take katch and trow pipol wey bilive yu, for prison.”

1 Tesalonians 5:21

Make una test evritin kon dey do wetin good.

1 Timoti 5:8

But if anybody nor fit kare for en pipol, especially en family membas, e don deny di faith bi dat and e worse pass sina.

2 Timoti 1:13

Make yu kontinue with di word wey I tell yu kon dey do am with di faith and love wey dey inside Christ.

2 Timoti 2:12

If wi bear with am, den wi go reign with am too and if wi sey wi nor know am, en too go sey, e nor know us.

Hibru 10:23

So make wi whole di hope wey wi get strong well-well, bikos God wey promise us dey always keep en promise.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

James 2:7

Or dem nor dey tok bad about Jesus name wey una bilive?

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;

Revelashon 11:3

I go give my two witness authority to profesai for 1,260 days and na sak klot dem go wear.

Revelashon 12:11

God pipol don win Satan with di Lamb blood and with di word wey dem tok about Christ. Dem nor too kare for dia life, so dem even dey ready to die.

Revelashon 13:2

Di beast wey I si, bi like leopard, but en leg bi like bear leg and en mout bi like lion own. Di dragon kon gi-am pawa, en throne and strong authority to rule.

Revelashon 14:12

Dis mean sey, God pipol go bear well-well, bikos dem dey obey en kommandment and get faith for Christ.

Revelashon 17:14

Dem go follow di Lamb fight war, but di Lamb go win dem, bikos na en bi Oga God for all ogas, King for all kings and pipol wey dey follow di Lamb, na doz wey e koll, choose and save.”

Revelashon 17:6

God pipol wey dem kill and doz wey prish about Christ, I si di woman wen e dey drink dia blood and di blood dey shark am like wine. I sopraiz well-well wen I si di woman.

Revelashon 2:2

I know yor work. I don si evritin wey yu do and even as yu dey wait with patient. I know sey yu nor like wiked pipol. Yu don test pipol wey sey dem bi apostles, but dem nor bi, bikos yu si sey, dem dey lie.

Revelashon 3:11

I go soon kom. Make yu whole wetin yu get well-well, so dat nobody go take yor crown from yu.

Revelashon 3:3

Make yu remember wetin yu don hear and receive and make yu obey dem kon turn from sin kom meet God. If yu nor shine yor eye well, I go kom like tif and yu nor go know di time wen I go kom.