Revelashon 19:15 - Holy Bible Nigerian Pidgin English

¹⁵ One sharp swod dey kom out from en mout and e go take am distroy all di kountries. E go rule dem with strong hand and E go mash di grapes wey dey bring wine with strong vexnashon, bikos na God get all di pawa.

Revelashon 19:15 ပူးပေါင်းရင်းမြစ်များ

Psalms 2:9

Na iron rod yu go take break dem kon skata dem like pot wey dem mold with san!’ ”

Isaya 11:4

E go judge evribody akordin to wetin dem do kon defend doz wey nobody dey help. E go ponish wiked pipol and doz wey dey do bad tins, go die.

Isaya 30:33

Dem don already prepare di place where dem go beri Israel enemies put; dem don make am deep and wide for dia king. Dem don gada di firewood and God breath wey bi like fire and sulfur, go kom like river wey dey flow kon distroy en enemies.

Joel 3:13

Dem wiked well-well and just as dem dey kut korn for harvest time, na so too I go kut dem trowey kon mash dem, just as dem dey mash grapes until di wine kom out finish.

Malakai 4:6

Wetin e go prish, go make papa setol with dia shidren and shidren go setol with dia papa. If not, I go kom skata and distroy di land.”

2 Tesalonians 2:8

Den evribody go know who dis wiked man bi and God go distroy am with breeze from Christ mout kon beri am with di glory wey dey kom.

Revelashon 1:16

E whole seven stars for en rite hand and swod wey get two sharp side, dey kom out from en mout. En face dey shine like sun.

Revelashon 12:5

Di woman born boy wey go rule di world with strong hand. But dem take di pikin kon go gi-am to God for en throne.

Revelashon 14:10

e go drink from God vexnashon wey dey inside en ponishment cup. God go ponish am with fire and sulfur for en holy angels and Lamb front.

Revelashon 19:21

Dem take di swod wey dey kom out from di Pesin wey dey ride di horse mout, kon kill di odas, den all di birds chop dia body till di beleful.

Revelashon 2:12

“Make yu rite di tins wey I won tell yu naw, go give di angel for di church wey dey Pergamum: ‘Dis na di message from di Pesin wey whole di swod wey get two sharp side.

Revelashon 2:16

So, make yu turn from sin kom meet God! If not, I go kwik-kwik kom fight yu with di swod wey dey my mout.

Revelashon 2:27

E go rule di nashons with iron rod kon break dem to pieces like pot.