Revelashon 18:21 - Holy Bible Nigerian Pidgin English

²¹ Den one angel wey get pawa, pick one big stone, trow am inside sea kon sey: “Na so dem go take trowey Babilon di big town with force enter sea!

Revelashon 18:21 ပူးပေါင်းရင်းမြစ်များ

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Job 20:8

Dem go vanish like dream and vishon for nite and pipol nor go si dem again.

Psalms 37:36

but wen I look again, I si sey dem don die go! Even doh I look evriwhere weda I go si dem, I nor si dem again!

Exodus 15:5

Di deep sea kover dem; dem sink go bottom like stone.

Ezekiel 26:21

I go use una as ezample wey go make pipol fear and dat go bi una end. Even if pipol find una, dem nor go ever si una again.” God wey get pawa don tok.

Daniel 11:19

Di king go-go back to en land wey dem protet well, but e go stagga fall and dem nor go si am again.

Revelashon 10:1

Den I si anoda angel wey get pawa dey kom down from heaven inside kloud and rainbow dey on-top en head. En face dey shine like sun and en leg bi like big fire.

Revelashon 12:8

Mikael and en angels win di fight, so dem kon porshu di dragon and en angels komot from heaven by force.

Revelashon 16:20

All di island and mountins skata finish.

Revelashon 18:10

Bikos di kings nor one join am sofa, dem go stand far dey sey, “E bad well-well! Babilon, di big town wey get pawa! E bad well-well for yu! Na for only one hour God take distroy yu finish!”

Revelashon 18:22

So, di pipol wey dey play harp, sing music, blow flute and trumpet, dem nor go ever hear dia sound from yu again. Doz wey get handwork and business pipol, dem nor go ever si dem inside yu again. Pipol wey dey grind tins, dem nor go ever hear dia nois inside yu again.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.

Revelashon 5:2

Den I si one strong angel dey shaut with loud vois sey: “Na who dey holy rish to break di keys and open dis book?”