Revelashon 18:2 - Holy Bible Nigerian Pidgin English

² E shaut with loud vois sey: “E don fall! E don fall! Babilon wey big well-well don fall! E don bikom di place where demons, evil spirits, bird and animal wey pipol hate, dey stay.

Revelashon 18:2 ပူးပေါင်းရင်းမြစ်များ

Isaya 14:23

I go turn Babilon to where birds and wild animals dey stay and wota wey nor dey go front or back, go full di land. I go swip am trowey, just as pesin dey use broom take swip dirty trowey.”

Jeremaya 25:30

“So, Jeremaya, make yu tell dem evritin wey I tok. Yu must tell dem sey, ‘Like lion wey won attack, na so too God go shaut from heaven! E go shaut for en pipol from en holy place. E go shaut like pesin wey dey mash grape wey dem won take do wine and evribody for di world go hear am.’

Jeremaya 51:37

Babilon go turn where dem dey trowey dirty put and trobol go dey follow am. Pipol go fear and hate dem and nobody go stay der again.

Jeremaya 51:8

But na wons Babilon fall kon skata. Make una mourn for am! Make una find medicine for am, may bi dat one fit cure am.

Joel 3:16

God vois bi like lion own from Mount Zion; en vois dey make nois from Jerusalem and di eart with di sky kon dey shake. But God go defend and protet en pipol.

Zefanaya 2:14

Grass and wild animals go full di town. Owls go dey play for der and dem go dey shaut thru di windows. Dirty go block all di road wey dem dey pass enter di town and all di fine-fine buildings, go fade finish.

Revelashon 1:15

En legs bi like bronze wey dem polish for fire and en vois bi like di nois wey sea dey make.

Revelashon 10:3

Den e shaut with loud vois like lion and seven tundas ansa am.

Revelashon 11:8

Dia dead body go dey for di main street for Jerusalem wey pipol dey koll “Sodom and Egypt” and dis na di town where dem for nail Christ for cross.

Revelashon 14:15

Den anoda angel kom out from di temple kon tell di one wey sidan on-top di kloud, “Make yu start to harvest with yor knife, bikos na di korrect time bi dis and di fruits for eart don ripe!”

Revelashon 14:8

Anoda angel follow di first one kon sey: “E don fall! Babilon don fall! Babilon wey make all di kountries drink di wine wey make dem dey sleep with who dem nor marry.”

Revelashon 16:13

Den, I si three evil spirit wey resemble frog dey kom out from di dragon, di beast and di fake profets mout.

Revelashon 16:19

Den di big town divide into three and di nashons kon fall rish groun. So God remember Babilon wey big well-well and E gi-am di cup wey full with en vexnashon wine.

Revelashon 17:18

And di woman wey yu si, na Babilon, di big town wey get pawa to rule all di kings for di world.”

Revelashon 17:5

Dem rite one sekret name for en fore head wey bi: “Babilon wey big well-well, ashawo pipol and yeye tins mama.”

Revelashon 18:10

Bikos di kings nor one join am sofa, dem go stand far dey sey, “E bad well-well! Babilon, di big town wey get pawa! E bad well-well for yu! Na for only one hour God take distroy yu finish!”

Revelashon 18:21

Den one angel wey get pawa, pick one big stone, trow am inside sea kon sey: “Na so dem go take trowey Babilon di big town with force enter sea!

Revelashon 5:2

Den I si one strong angel dey shaut with loud vois sey: “Na who dey holy rish to break di keys and open dis book?”