Revelashon 17:17 - Holy Bible Nigerian Pidgin English

¹⁷ Bikos God don put am for dia mind sey dem go do wetin E wont and dem go use one mind take give dia pawas to di beast, until God word go komplete.

Revelashon 17:17 ပူးပေါင်းရင်းမြစ်များ

Ezra 7:27

Ezra kon sey, Make wi praiz di Oga, wey bi awa grand-grand papa dem God! Na-im make di king honor God Temple for Jerusalem like dis.

Psalms 105:25

Den God turn Egypt pipol against Israel pipol and dem kon plan against God pipol.

Proverbs 19:21

Pipol fit plan difren-difren tins, but na wetin God tok, go happen.

Proverbs 21:1

Evry king heart dey God hand; just as E dey show river how e go take flow, na so too E dey kontrol kings mind.

Isaya 45:17

But God go save Israel and dia viktory go bi forever. Nobody go ever disgrace God pipol again.

Jeremaya 32:40

I go make kovenant wey nor dey end with dem sey I nor go ever stop to do good tins for dem and I go make dem fear mi with all dia heart, so dat dem nor go turn leave mi again.

Daniel 12:7

Den I hear di man wey wear linen wey dey on-top di river as e raiz en two hand face sky kon swear with God name sey: “Na only three and half years remain; by di time wen God don save en holy pipol from who dey sofa dem, all dis tins go don happen.”

Luke 22:22

Bikos Man Pikin go die as God plan am, but curse dey for di pesin head wey go sell am!”

Luke 22:3

So, Satan enter inside Judas Iskariot, one of Jesus twelf disciples.

Luke 22:37

Bikos I tell una, wetin dem rite for God word about mi must happen sey, ‘Dem kount am join criminals.’ Bikos wetin God rite about mi dey happen naw.”

John 10:35

If dem koll di pipol wey God send en word go meet, sey, ‘Dem bi gods’ and God word nor go ever shange,

John 13:18

“Wetin I dey tok so nor koncern all of una, bikos I know di pipol wey I choose. Dis show sey God word na true sey, ‘Di pesin wey follow mi chop don turn to my enemy.’

John 13:2

Before dem start to chop evening food, devil don already enter Judas Iskariot mind, wey bi Simon pikin sey, make e sell Jesus give en enemy.

John 19:24

So di sojas tell each oda sey, “Make wi nor tear am, but make wi gambol to si who go take am.” Dis tin happen to show sey, wetin dem rite for God word na true sey, “Dem go divide my klot, afta dem don gambol for am.” Dis na wetin di sojas kon do.

John 19:28

Wen Jesus si sey evritin don finish, e kon sey, “Wota dey hongry mi”, (dis show sey wetin God tok, really happen).

2 Korintians 8:16

Wi tank God wey give Titus di kind mind wey I get to help una.

Revelashon 10:7

Wen di sevent angel go blow en trumpet, God sekret plan wey nobody undastand, go kom out. E go happen just as E tell di profets, wey bi en savants.

Revelashon 15:1

Den I si anoda big sign for heaven wey nobody go fit undastand: seven angels whole di seven last wahala and na dis ones go komplete God vexnashon.

Revelashon 17:13

Di kings get di same mind and na di same tins wont. And dem go give di beast dia pawa and authority.

Revelashon 19:9

Den di angel tell mi, “Rite dis tin wey I won tok naw: ‘God don bless pipol wey en invite kom chop for di Lamb marriage!’ ” E still tell mi sey, “Dis na God true word.”

Revelashon 6:11

Den dem give each of dem long white klot kon sey, make una rest small until di oda savants and una brodas for Christ wey wiked pipol go kill, don komplete.